Lieder anderer Quellen

____________________________________________________________

I

(Klein 128)

Augsburger Liederbuch

München, Bayerische Staatsbibliothek Cgm 379

(um 1454)

Wolckēſtainer

I

Sy hat mein hertz getroffē/
 die ſchön die wolgemůt/

Zů ir ſo wil ich hoffē/

es würt noch alles gůt/

5

So freÿ ich mich der rainē/

woll in dem hertze mein/

Ich waiß woll wen ich mainē/

der aigē wil ich ſein/

II

Wölt ſÿ ſich noch bedenckē/

10

die hůbſchs die ſeiberlich/

Von ir wolt ich nicht wenckē/

ÿme' vnd ewigcklich/

gar ſtat bis an mein ende/

on alles abelon/

15

ſüſt můß ich ſein ellēdē/

weill ich das liebē han/

III

Ob ich mit ſchimpfÿ mit ſchertze/

an anderē ende frö/

beÿ ir bin ich in hertzē/

20

vnd anderſt inderß ſwo/

in recht' lieb vnd trew/

ich ir doch nie vergaß/

Ez můſt ich ÿme' rewe/

trůg ſy mir dar vmb haß/

IV

Würd mir (vrkhunt) ir hulde/

eß wär mir ÿme' laid/

eß geſchůch an all mein ſchulde/

ſchwer ich auff meinē aid/

das ich beÿ meinē tagē/

30

ir liebe nie verdroß/

So můſt ich aber clagē/

vnd wer mein vn mut groß/

V

Doch will ich vō ir nit ſetzē/

ſÿ iſt mein höchſte gyn/

35

an ſÿ So wil ich hertzē/

hertz můt und all mein ſinn/

Ob es ſÿ wolt erparmē/

mein trawrē das ich trag/

Schlüß ſÿ mich an ir arme/

40

vergangē wer mein clag/

VI

Der hoffnūg will ich lebē/

ſÿ hett mich dick ernert/

würd mir kain troſt gegebē/

So han ich gar verzert/

45

zwär all mein frewd auff erdē/

dar an hat ſÿ ein tail/

doch wünſch ich ir ÿe beÿd' weÿllē/

gelück vnd alles hail/