BIBLIOTHECA AUGUSTANA

 

Johannes Eck

1486 - 1543

 

Tractat von den landen Scithia

 

J3v

 

________________________________________________________

 

 

 

 

<verso> kauffen. sagen dem adel gepür das volck zu regieren / zuo beschützen jagen und ritterspil zu üben. Sy loben hoch die miltigkayt / und freye schanckung was leibsklaydung und geprauch ist / außgenommen roß und waffen seind sy nit allain milt / besunder über flüssiger gebung / deßhalben sy maist tails übler und minder kostlich beklaidt seind dann jre undersässen / wann so offt sy sich im jar von neuwem beklayden / in seyden / Chermesin in hemd wie sy dann zu thuon pflegen anmachen / werden sy darumb gepeten und zuo verschencken angemuotet von jren undersässen / und so sy jn solchs versagten unwillig stellten / so verfolgte jn darauß grosse schand / und also unverzogenlich ziehen sy das ab dem leyb und nemen dargegen das arm hembd deß der solches zuo schencken von jm begert hatt / darumb seind die edlen zuomminsten wol beklaydt / außgenommen der stifel waffen und roßs wölche sy nymmer von jn geben dieweil sy jnen gefallen und in den selben dingen ertzaigen sy jr geprenck und hochfart / unnd zuo zeyten ain roßs jres gefallens zuo bekommen / verschencken sy all ander farent hab / und achten nichts nit kostparlichers als ain treffenlich guot roßs. So sy mitt rauben oder in ander weg gold oder silber überkommen / zuohand taylen sy das under jr volck und legen die edel leut solichs alles auff pferd und jr zierung als an sättel zämgerayd unnd der gelichen zierung/ unnd es ist der merer tail jr aller gewonhait besunder dero die zwischen dem land gelegen sein mer als deroandem gestatt des möres. Sy schlagen sich und kriegen täglich mitt den Tartern von denen sy aller ort umbgeben seind / und rayssent auch über den Bosphoro auff die Tartarey Chersoneso der gegendt / da gelegen ist Chaffa Colonia / die stat die vor alten zeytten von den Jenuesern gepauwt ist worden / den selben arm sy gewonlichen des winters über ziehen so das mör gefroren ist / die innwonenden Scithi zuo berauben / unnd jr ain klayne zal jagen ain groß volck / wann sy vil geschickter und baß gerüst seind mitt pfärden und waffen / auch vil fraydiger und manlicher / jr haubt harnisch ist auf die alten art der anhaltung über die wang an hangend under dem halß. Die Tarter seind in allen nötten so