BIBLIOTHECA AUGUSTANA

 

Verfåten vun de Free un Hansestadt Hamborg

2002

 

Verfåten vun de Free un

Hansestadt Hamborg

 

2002

 

______________________________________________________________________________

 

 

 

VIII.

Bestimmungen an't Enn un

för den Övergang

 

 

Artikel 73 [Ehrenämter]

Wokeen stååtsbörgerliche Rechte un Plichten in öffentliche Ehrenämter övernehmen deit, den dörf nix in'n Weg leggt warrn, sünnerlich nich dör en Arbeits– oder Deenstverhältnis. De in'n Deenst ståht, mööt de free Tiet kriegen, de dor neudig för is. Wat de Anspruch op Verdeenst beståhn blifft, dat bestimmt dat Gesett.

Artikel 74 [Eid op de Verfåten]

All hamborgsche Beamtinnen un Beamten, Richterinnen un Richter mööt op disse Verfåten den Eid afleggen. De Senåt beslutt dat genauer.

Artikel 75 [Wenn een den Eid nich seggen will]

(1) Beamtinnen un Beamten, Richterinnen un Richter, de den Eid op de Verfåten nich afleggen wöllt, mööt den Afscheed nehmen. Wenn se den Eid afleggt, låterhen åver gleuvt, wat se em nå ehr Geweten un Denken nich gerecht warrn köönt, de mööt beandrågen, dat se den Afscheed nehmt.

(2) En Pension kann dat geven.

Artikel 76 [Över ole Gesetten]

Wat de Artikel 51 Afsatz 1 verlangt, gellt nich för Gesetten, de ehrder as disse Verfåten verkünndt worrn sünd.

Artikel 77 [Dat Enn vun de provisorsche Verfåten un dat Gellen vun disse]

(1) De provisorsche Verfåten vun de Hansestadt Hamborg vun'n 15. Mai 1946 (Hamborgsches Gesett– un Verordnungsblatt op de Sied 51) in de Art, in de se an'n 8. Oktober un 7. Dezember 1946 verkünndt worrn is (Hamborgsches Gesett– un Verordnungsblatt op de Sieden 103 un 123) ward ophoben.

(2). Disse Verfåten gellt vun'n 1. Juli 1952 an.

 

Trecht måkt in Hamborg an'n 6. Juni 1952

De Senåt