Verfåten vun de Free un

Hansestadt Hamborg

2002

______________________________________________________________________________

Vörwort

„Mannig een vun de Vorschriften, de in Hochdüütsch en beten gruselig antohörn sünd, klingt op Plattdüütsch richtig fründlich“, schall en Hamborger Senåter eenmål seggt hebben. Un ick mutt togeven, dat heurt sick op Platt mehr so an as in't würkliche Leven. To'n Bispeel in den § 34 (2). Dor heet dat hochdüütsch, „der Erste Bürgermeister beantragt die gemeinsame Bestätigung durch die Bürgerschaft“, un op Platt, „dat de Börgerschop to den ganzen Senåt jo seggt“.

Dat mag ok de Grund ween, wat de „Verfåten vun de Free un Hansestadt Hamborg“ foorts utverköfft weur, as de „Zentrale Stell in't Land Hamborg för dat Weten un Verståhn vun Politik“ ehr 1996 dat eerste Mål op Platt rutgeven harr. Nipp un nau leest wöör se tominnst. Denn op de Steed geev dat en wietlöftig Hen un Her mank de Experten, wat'n dat een oder anner nich villicht anners seggen oder schrieven müsst harr.

An'n 6. Juni dit Johr is dat jüst föfftig Johr her, wat de Free un Hansestadt Hamborg ehr Verfåten verkünnt hett. Dat is de Grund, wat se as Stadt mit en weltwieden Håben, de – seggt de Präambel – „Düütschland mit all de Ennen vun de Eer un all de Völker verbinnen“ will, ehr Verfåten nee rutgifft - ok un besünners op Platt.

Ole von Beust

Eerste Börgermeister

vun de Free un

Hansestadt Hamborg