Γνῶμαι μονόστιχοι

Μονόστιχοι Ψʹ

___________________________________________________

840

Ψυχῆς νοσούσης ἐστὶ φάρμακον λόγος.

841

Ψευδόμενος οὐδεὶς λανθάνει πολὺν χρόνον.

842

Ψυχὴν ἔθιζε πρὸς τὰ χρηστὰ πράγματα.

843

Ψυχῆς γὰρ οὐδέν ἐστι τιμιώτερον.

844

Ψυχῆς μέγας χαλινὸς ἀνθρώποις ὁ νοῦς.

845

Ψευδὴς διαβολὴ τὸν βίον λυμαίνεται.

846

Ψεῦδος δὲ μισεῖ πᾶς σοφὸς καὶ χρήσιμος.

847

Ψυχῆς †ἀρχαίας† οὐδέν ἐστι γλυκύτερον.

848

Ψυχῆς ἐπιμέλου τῆς σεαυτοῦ καθὰ δύνηι.

849

Ψεῦδος μέγιστόν ἐστιν ἀνθρώποις κακόν.

850

Ψεῦδος ταπεινοῖ τοὺς ἄγαν ἐπωμότας.

851

Ψυχῆς ὄλεθρός ἐστι σωμάτων ἔρως.