Μῦθοι Αἰσώπειοι

___________________________________________________

94.

Γεωργὸς καὶ Θάλασσα.

(F. 348. C. p. 385. B. 71.)

Γεωργός τις ἰδὼν ναῦν ἐν θαλάσσηι κυμαινομένην καὶ βυθῶι πεμμπομένην, κατηρᾶτο τὴν θάλασσαν δακρύων. Ἡ δὲ πρὸς αὐτὸν ἀνεβόα τοιαῦτα· «ἵνα τί, ἄνθρωπε, μέμφηι με μάτην; οὐ γὰρ ἔγωγε τῶν κινδύνων αἰτία, ἀλλ᾿ οἱ ἄνεμοι οἱ ἐκταράττοντές με. Εἰ δὲ βουληθῆις χωρὶς τούτων πλεῦσαι, ἡμερωτέραν δή με τῆς γῆς εὑρήσεις.

Ὅτι γαληνοὺς δεσπότας οἱ χαιρέκακοι παραφυσῶντες ἐπεγείρουσι πρὸς ὀργάς τε καὶ ζάλας.