Μῦθοι Αἰσώπειοι

___________________________________________________

284.

Λύκος καὶ Πρόβατον.

(C. 106. F. 257. S. 157.)

Λύκος, ὑπὸ κυνῶν δηχθεὶς καὶ κακῶς πάσχων, ἐβέβλητο. Τροφῆς δὲ ἀπορῶν, θεασάμενος πρόβατον, ἐδεῖτο ποτὸν ἐκ τοῦ παραῤῥέοντος αὐτῶι ποταμοῦ κομίσαι. «Εἰ γὰρ σύ μοι» φησὶ «δώσεις ποτὸν, ἐγὼ τροφὴν ἐμαυτῶι εὑρήσω.» Τὸ δὲ ὑποτυχὸν ἔφη· «ἀλλ᾿ ἐὰν ἐγὼ ποτὸν ἐπιδῶ σοι, σὺ καὶ τροφῆι μοι χρήσηι.»

Ὁ μῦθος πρὸς ἄνδρα κακοῦργον, δι᾿ ὑποκρίσεως ἐνεδρεύοντα.