Μέλη

___________________________________________________

Ἐξ ἀδήλων βιβλίων

51 D

Fortunat. 8, in: Gramm. Lat. VI 301,8

ἀσπίδα ῥίψας ποταμοῦ καλλιρόου παρ᾽ ὄχθας.

51A D

Himer. or. 47,1

Χαῖρε, φίλον φῶς, χαρίεντι μειδιῶν προσώπωι

52 D

Schol. Aristoph. av. 1372

Ἀναπέτομαι δὴ πρὸς Ὄλυμπον πτερύγεσσι κούφαις

διὰ τὸν Ἔρωτ᾽· οὐ γὰρ ἐμοὶ <παῖς ἐ>θέλει συνηβᾶν.

53 D

Lucian. Herc. Gall. 8

∪  ∪  ∪  ∪  –  –  ∪  <Ἔρως, ὅς> μ᾽ ἐσιδὼν γένειον

ὑποπόλιον χρυσοφαέννων πτερύγων ἀήταις

παραπέτεται.

54 D

Athen. 12,533f

Πρὶν μὲν ἔχων βερβέριον, καλύμματ᾽ ἐσφηκωμένα,

καὶ ξυλίνους ἀστραγάλους ἐν ὠσὶ καὶ ψιλὸν περί

πλευρῆισι <δέρρριον> βοός,

νήπλυτον εἴλυμα κακῆς ἀσπίδος, ἀρτοπώλισιν

5

κἀθελοπόρνοισιν ὁμιλέων ὁ πονηρὸς Ἀρτέμων,

κίβδηλον εὑρίσκων βίον,

πολλὰ μὲν ἐν δουρὶ τιθεὶς αὐχένα, πολλὰ δ᾽ ἐν τροχῶι,

πολλὰ δὲ νῶτον σκυτίνηι μάστιγι θωμιχθείς κόμην

πώγωνά τ᾽ ἐκτετιλμένος.

10

νῦν δ᾽ ἐπιβαίνει σατινέων χρύσεα φορέων καθέρματα

πάις Κύκης καὶ σκιαδίσκην ἐλεφαντίνην φορέει

γυναιξὶν αὔτως <ἐμφερής>.

55 D

Athen. 10,433e.f

φίλη γάρ εἶς ξείνοισ᾽· ἔασον δέ με διψέοντα πιεῖν.

59 D

Schol. pind. Isthm. 2,13

οὐδ᾽ ἀργυρέη κω τότ᾽ ἔλαμπε Πειθώ.

60 D

Et. Gen. s.v. κόκκυξ

ἐγὼ δ᾽ ἀπ᾽ αὐτῆς φεύγω ὥστε κόκκυξ.

61 D

Hephaest. 7,2

Ἡδυμελὲς χαρίεσσα χελιδοῖ

62 D

editio Snell non habet.

Hephaest. 7,2

μνᾶται δηὖτε φαλακρὸς Ἄλεξις.

63 D

Athen. 1,21a

καλλίκομοι κοῦραι Διὸς ὠρχήσαντ᾽ ἐλαφρῶς.

65 D

Et. Magn. 2,47

ἐγὼ δὲ μισέω

πάντας <ὅσ>οι χθονίους ἔχουσι ῥυσμούς

καὶ χαλεπούς· μεμάθηκά σ᾽, ὦ Μεγιστῆ,

τῶν ἀβακιζομένων.

66 D

Et. Gen. s.v. ἡμετέρειος

οὔτε γὰρ ἡμετέρειον οὔτε καλόν

67 D

editio Snell non habet.

Schol. Pind. Ol. 8,42

νῦν δ᾽ ἀπὸ μὲν στέφανος πόλεως ὄλωλεν.

68 D

Et. Gen. s.v. ἠπεροπευτής

βούλεται ἠπεροπός <τις> ἡμὶν εἶναι.

69 D

Hephaest. 10,4

Ἠρίστησα μὲν ἰτρίου λεπτοῦ μικρὸν ἀποκλάς,

οἴνου δ᾽ ἐξέπιον κάδον νῦν δ᾽ ἁβρῶς ἐρόεσσαν

ψάλλω πηκτίδα τῆι φίληι κωμάζων †παιδὶ ἁβρῆι.