BIBLIOTHECA AUGUSTANA

 

Moris Rozenfeld

1862 - 1923

 

ayntselne lider

 

mayn rue plats

kleyne likhtelekh

mayn yingele

der vanderer/a goles-marsh

 

kval fun bilder:

Morris Rosenfeld,

Lieder des Ghetto,

Berlin/Wien 1902

 

_______________________________________________________________________

 

 

 

mayn rue plats

 

 

nit zukh mikh vu di mirtn grinen.

gefinst mikh dortn nit, mayn shats.

vu lebns velkn bay mashinen,

dortn iz mayn rue plats.

 

nit zukh mikh vu di feygl zingen.

gefinst mikh dortn nit, mayn shats.

a shklaf bin ikh vu keytn klingen,

dortn iz mayn rue plats.

 

nit zukh mikh vu fontanen shpritsn.

gefinst mikh dortn nit, mayn shats.

vu trern rinen, tseyner kritsn,

dortn iz mayn rue plats.

 

un libstu mikh mit varer libe,

to kum tsu mir, mayn guter shats,

un hayter oyf mayn harts di tribe

un makh mir zis mayn rue plats.

 

 

 

likhtelekh

 

 

o ir kleyne likhtelekh

ir dertzelt geshikhtelekh

mayselekh on tzol

ir dertzeylt fun blutikayt

beryeshaft un mutikayt

vunder fun amol.

 

ven ikh zey aykh shminklendik

kumt a kholem finklendik

ret on alter troym

yid, du host gekrikt a mol

yid, du host gezikt a mol

hot dos gloybt zikh koym

 

s'iz bay dir a tolk geven

bist a mol a folk geven

host a mol regirt

host a mol a land gehat

host a mol a hant gehat

akh, vi tif dos rirt.

 

o, ir kleyne likhtelekh

ayere geshikhtelekh

vekn oyf mayn payn

tif in hartz bavekt es zikh

un mit trern frekt es zikh

vos vet itster zayn?

 

 

 

mayn yingele

 

 

ikh hob a kleynem yingele,

a zunele gor fayn!

ven ikh derzey im dakht zikh mir,

di gantse velt iz mayn.

 

nor zeltn, zeltn zey ikh im,

mayn sheynem, ven er vakht,

ikh tref im imer shlofendik,

ikh zey im gor bay nakht.

 

di arbet traybt mikh fri aroys

un lozt mikh shpet tsurik;

a fremd iz mir mayn eygn leyb!

o, fremd mayn kind's a blik!

 

ikh kum tsuklemterheyt aheym,

in finsternish gehilt, –

mayn blaykhe froy dertseylt mir bald,

vi fayn dos kind zikh shpilt,

 

vi zis es redt, vi klug es fregt:

«o, mame, gute ma,

ven kumt un brengt a peni mir

mayn guter, guter pa?»

 

ikh her es tsu un ayl – es muz, –

yo, yo, es muz gesheyn!

di foterlibe flakert oyf:

es muz mayn kind mikh zeyn!....

 

ikh shtey bay zayn gelegerl

un zey, un her, un sha!

a troym bavegt di lipelekh:

«o, vu iz, vu iz pa?»

 

ikh kush di bloye eygelekh,

zey efn'n zikh – «o, kind!»

zey zeyen mikh, zey zeyen mikh,

un shlisn zikh geshvind.

 

«do shteyt dayn papa, tayerer,

a penele dir, na!»

a troym bavegt di lipelekh:

«o, vu iz, vu iz pa?»

 

ikh blayb tseveytikt un tseklemt,

farbitert un ikh kler:

«ven du ervakhst a mol, mayn kind,

gefinstu mikh nit mer»....

youtube-video

 

 

 

der vanderer/a goles-marsh

 

 

mit dem vander-shtok in der hant,

on a heym un on a land,

on a goyel, on a fraynt,

on a morgn, on a haynt.

nit geduldet, nor geyogt,

vu genekhtikt nit getogt:

shtendik vey, vey, vey,

shtendik gey, gey, gey,

shtendik shpan, shpan, shpan,

kolzman koyekh iz faran.

 

un azoy, a yor nokh a yor,

un azoy, a dor nokh a dor,

on hofenung, on a tsvek,

ayngehilt in groyl un shrek,

vandlen mir velt oys, velt ayn,

fun yesurim, nor tsu payn.

shtendik vey, vey, vey,

shtendik gey, gey, gey,

shtendik shpan, shpan, shpan,

kolzman koyekh iz faran.