lider

transkriptsye: Raphael Finkel

o, sheyn fishele mit feyen-oygn

a gutn tog nyu-york   >>>

ikh hob di likhter fun brodvey   >>>

s'hot dos vort meyn bobe moyne   >>>

der shekhter fun veltisher boyne   >>>

freynt beym tish   >>>

tsu a flaterl   >>>

_______________________________________________________________________

Illustratsye: Marc Chagall

a fishele

meyn meydele troym gevidmet

o, sheyn fishele mit feyen-oygn:

nit zukh dem yam

in mutnem vaser fun der shisl –

oyb s'iz tsu dir a zinkendike velt

di kleyne shisl,

vet dikh keyner rateven fun zinken.

eyn fligele hot der fisher opgerisn,

ven er hot in nets dikh getsoygn;

dos tsveyte fligele hostu aleyn tsebisn –

efsher volstu gor avekgefloygn?

dos kranke fishele

hot shoyn di tropns vaser

fun eygn leyb oysgezoygn –

patsht zi mitn ek di sharfe bregn fun der shisl –

shobt zikh aleyn dos fishele op.

sheyn fishele mit feyen-oygn,

oyfn tish der meser

soyde|t zikh mit dem pustn top.

blaybn vet dayn payn – in enger shisl.

bist vi ikh geborn fun a mamen.

ikh bin a meydele nokh a kleyne,

ven ikh volt gevezn greser –

volt ikh opgenart dem meser

un fartrogn dikh in tifste yam|en.

אַ פֿישעלע

מײן מײדעלע טרױם געװידמעט

אָ, שײן פֿישעלע מיט פֿײען־אױגן: 

ניט זוך דעם ים

אין מוטנעם װאַסער פֿון דער שיסל ־־־

אױב ס'איז צו דיר אַ זינקענדיקע װעלט

די קלײנע שיסל, 

װעט דיך קײנער ראַטעװען פֿון זינקען. 

אײן פֿליגעלע האָט דער פֿישער אָפּגעריסן, 

װען ער האָט אין נעץ דיך געצױגן;

דאָס צװײטע פֿליגעלע האָסטו אַלײן צעביסן ־־־

אפֿשר װאָלסטו גאָר אַװעקגעפֿלױגן? 

דאָס קראַנקע פֿישעלע

האָט שױן די טראָפּנס װאַסער

פֿון אײגן לײב אױסגעזױגן ־־־

פּאַטשט זי מיטן עק די שאַרפֿע ברעגן פֿון דער שיסל ־־־

שאָבט זיך אַלײן דאָס פֿישעלע אָפּ. 

שײן פֿישעלע מיט פֿײען־אױגן, 

אױפֿן טיש דער מעסער

סודעט זיך מיט דעם פּוסטן טאָפּ. 

בלײַבן װעט דײַן פּײַן ־־־ אין ענגער שיסל. 

ביסט װי איך געבאָרן פֿון אַ מאַמען. 

איך בין אַ מײדעלע נאָך אַ קלײנע, 

װען איך װאָלט געװעזן גרעסער ־־־

װאָלט איך אָפּגענאַרט דעם מעסער

און פֿאַרטראָגן דיך אין טיפֿסטע ימען. ‬