Vaytshepl shtetl d'britn

1961

Vaytshepl yerusholayim d'Britn z. 112

Temze in nepl z. 135

Un tsum shlus z. 344

kval: The Mendele Review

Vol. 07.003, 30 March 2003

_______________________________________________________________________

Vaytshepl yerusholayim d'Britn

Pumbediso, Kordova, Kroka, Amsterdam,

Lublin, Valozhin, Vilna, Berditshev un Kotsk,

Shel-mayledik vest blaybn vi eyne fun zey,

Mit horepashnikes fun Zhitomir un Plotsk.

Un oyb der blutiker shlyad undzerer atsind,

Nisht direkt er firt far dayn ofener tir ndash; ndash;

Fun groys tsar du host a mayse dir ongetun,

Bistu geblibn a farblutikte in dir.

[. . .]

Temze in nepl

Nisht shvere damf-shifn geyen af der Temze –

Yene zeglen alts mit shlankn mast ufgeshtelt,

Di damfndike neplen zey tsefirn bloyz,

In ale zaytn, in ale ekn fun der velt.

Nisht fun shif-koymens zaynen di volkenes roykh –

A farnetste piratn-feyke roykhert zikh shver,

Un di mitgeyendike fule levone oybn –

Af a mast-boym di ongetsundene lamter.

Un di sirenes -- fun tsvishn khvalyes aroys

S'shtekt a vaser-hunt aroyset zayn nasn kop;

Zayn benkenish, in der tseneplter shtot,

Tsevoyet zikh mit aza veyik-tayvedik gesop – – –

Un tsum shlus

[. . .]

III.

Punkt azoy vi di levone fun der zun,

Gesl do geven funem shtetl der opshayn,

Un az shtetl dort untergangen iz,

Hot dokh gemuzt dos gesl do oykh untergeyn.

Tsi kon den fintstere levone ufshaynen,

Ven oysgeloshn fun der zun es iz ir shayn?

Fun undzer plutslingen untergeyn itst do,

Oto dos mistam s'iz der bahaltener meyn.

Ober ver bin ikh den, az ikh zol fregn:

Got, farvor, tsi hot es den gemuzt azoy zayn?

Un ver bin ikh den tsu zogn, mikloymersht:

Az altsding vos got tut iz gut, iz voyl un fayn.

Un in di nekht, ven di levone iz nishto,

A shvartser in gesl do ikh vandl aleyn:

Vi vunderlekh di zun geshaynt hot haynt vu – –

Khotsh a shtralekhl, vi durkh a shpalt s'falt a shayn.