BIBLIOTHECA AUGUSTANA

 

C. Valerius Catullus

ca. 87 - 54 a. Chr. n.

 

Carmina

 

Carmen II

[fletus passeris Lesbiae.]

 

_________________________________________________________

 

 

 

metrum: hendecasyllabus

 

 

Passer, deliciae meae puellae,

quicum ludere, quem in sinu tenere,

quoi primum digitum dare adpetenti

et acris solet incitare morsus,

5

cum desiderio meo nitenti

carum nescioquid libet iocari,

et solaciolum sui doloris:

credo, tum gravis acquiescat ardor:

tecum ludere, sicut ipsa, possem

10

et tristis animi levare curas!