B  I  B  L  I  O  T  H  E  C  A    A  U  G  U  S  T  A  N  A
           
  C. Valerius Catullus
ca. 87 - 54 a. Chr. n.
     
   



C a r m e n  L X X I

[ad Allium.]

_____________________________________


metrum: distichon dactylicum


Si quoi iure bono sacer alarum obstitit hircus,
      aut si quem merito tarda podagra secat,
aemulus iste tuus, qui vostrum exercet amorem,
      mirificst fato nactus utrumque malum.
5
nam quotiens futuit, totiens ulciscitur ambos:
      illam affligit odore, ipse perit podagra.