B  I  B  L  I  O  T  H  E  C  A    A  U  G  U  S  T  A  N  A
           
  C. Valerius Catullus
ca. 87 - 54 a. Chr. n.
     
   



C a r m e n  L X X I V

[ad Gellium.]

_____________________________________


metrum: distichon dactylicum


Gellius audierat patruum obiurgare solere,
      si quis delicias diceret aut faceret.
hoc ne ipsi accideret, patrui perdepsuit ipsam
      uxorem et patruum reddidit Harpocratem.
5
quod voluit fecit: nam, quamvis irrumet ipsum
      nunc patruum, verbum non faciet patruus.