BIBLIOTHECA AUGUSTANA

 

C. Valerius Catullus

ca. 87 - 54 a. Chr. n.

 

Carmina

 

Carmen LXXXIII

[ad Lesbiam.]

 

_________________________________________________________

 

 

 

metrum: distichon dactylicum

 

 

Lesbia mi praesente viro mala plurima dicit:

haec illi fatuo maxima laetitiast.

mule, nihil sentis. si nostri oblita taceret,

sana esset; nunc quod gannit et obloquitur,

5

non solum meminit, sed, quae multo acrior est res,

iratast. hoc est, uritur et loquitur.