B  I  B  L  I  O  T  H  E  C  A    A  U  G  U  S  T  A  N  A
           
  C. Valerius Catullus
ca. 87 - 54 a. Chr. n.
     
   



C a r m e n  L X X X V I

[ad Lesbiam.]

_____________________________________


metrum: distichon dactylicum


Quintia formosast multis, mihi candida, longa,
      rectast. haec ego sic singula confiteor,
totum illud «formosa» nego: nam nulla venustas,
      nulla in tam magnost corpore mica salis.
5
Lesbia formosast, quae cum pulcerrima tota est,
      tum omnibus una omnis subripuit veneres.