B  I  B  L  I  O  T  H  E  C  A    A  U  G  U  S  T  A  N  A
           
  C. Valerius Catullus
ca. 87 - 54 a. Chr. n.
     
   



C a r m e n  L X X X I X

[ad Gellium.]

_____________________________________


metrum: distichon dactylicum


Gellius est tenuis: quid ni? cui tam bona mater
      tamque valens vivat tamque venusta soror
tamque bonus patruus tamque omnia plena puellis
      cognatis, quare is desinat esse macer?
5
qui ut nihil attingat, nisi quod fas tangere non est,
      quantumvis quare sit macer invenies.