B  I  B  L  I  O  T  H  E  C  A    A  U  G  U  S  T  A  N  A
           
  C. Valerius Catullus
ca. 87 - 54 a. Chr. n.
     
   



C a r m e n  C X V I

[ad Gellium.]

_____________________________________


metrum: distichon dactylicum


Saepe tibi studioso animo venante requirens
      carmina uti possem mittere Battiadae,
qui te lenirem nobis, neu conarere
      tela infesta <meum> mittere in usque caput,
5
hunc video mihi nunc frustra sumptum esse laborem,
      Gelli, nec nostras hic valuisse preces.
contra nos tela ista tua evitabimus amictu:
      at fixus nostris tu dabi(s) supplicium.