BIBLIOTHECA AUGUSTANA

 

Terentius Afer

ca. 190 - 159

 

Eunuchus

 

C. Sulpici Apollinaris periocha

 

___________________________________________________

 

 

 

Sororem falso dictitatam Thaidis

id ipsum ignorans miles advexit Thraso

ipsique donat. erat haec civis Attica.

eidem eunuchum, quem emerat, tradi iubet

5

Thaidis amator Phaedria ac rus ipse abit

Thrasoni oratus biduum concederet.

ephebus frater Phaedriae puellulam

cum deperiret dono missam Thaidi,

ornatu eunuchi induitur (suadet Parmeno):

10

introiit, vitiat virginem. sed Atticus

civis repertus frater eius conlocat

vitiatam ephebo; Phaedriam exorat Thraso.