B  I  B  L  I  O  T  H  E  C  A    A  U  G  U  S  T  A  N  A
           
  Leges XII
ca. 450 a. Chr. n.
     
   



T a b u l a   X

_____________________________________


[1]  hominem mortuum in urbe ne sepelito neve urito.
(Cicero, de leg. 2, 23, 58)

[2]  . . . hoc plus ne facito: rogum ascea ne polito.
(Cicero, de leg. 2, 23, 59)

[3]  Extenuato igitur sumptu tribus reciniis et tunicula purpurae et decem tibicinibus tollit etiam lamentationem (Cicero, de leg. 2, 23, 59).

[4]  mulieres genas ne radunto neve lessum funeris ergo habento.
(Cicero, de leg. 2, 25, 64)

[5a]  homine mortuo ne ossa legito, quo post funus faciat.
(Cicero, de leg. 2, 24, 60)

[5b]  Excipit bellicam peregrinamque mortem (Cicero, de leg. 2, 24, 60).

[6a]  Haec praeterea sunt in legibus . . . : «servilis unctura tollitur omnisque circumpotatio» . . .  «Ne sumptuosa respersio, ne longae coronae, ne acerrae» (Cicero, de leg. 2, 24, 60).

[6b]  Murrata potione usos antiquos indicio est, quod . . .  XII tabulis cavetur, ne mortuo indatur (Festus, F. 158).

[7]  qui coronam parit ipse pecuniave eius honoris virtutisve ergo duitur ei . . .
(Cicero, de leg. 2, 24, 60; Plinius, nat. hist. 21, 3, 7)

[8]  . . . neve aurum addito. at cui auro dentes iuncti escunt. ast in cum illo sepeliet uretve, se fraude esto.
(Cicero, de leg. 2, 24, 60)

[9]  rogum bustumve novum vetat propius LX pedes adigi aedes alienas invito domino (Cicero, de leg. 2, 24, 61).

[10]  forum . . .  bustumve usucapi vetat (Cicero, de leg. 2, 24, 61).