C. Suetonius Tranquillus
ca. 70 - ca. 150
|
|
De viris illustribus
De grammaticis et rhetoribusRhetores
|
|
________________________________________________________________
|
|
L. Voltacilius Pilutus
XXVII [1] L. Voltacilius †Pilutus† seruisse dicitur atque etiam ostiarius uetere more in catena fuisse, donec ob ingenium ac studium litterarum manumissus accusanti patrono subscripsit. [2] Deinde rhetoricam professus Cn. Pompeium Magnum docuit patrisque eius res gestas nec minus ipsius compluribus libris exposuit, primus omnium libertinorum, ut Cornelius Nepos opinatur, scribere historiam orsus, non nisi ab honestissimo quoque scribi solitam ad id tempus. |
|