| |
|
-
- F a b u l a r u m l i b e r
XXXVIII
De pisce et phoecide
- _______________________________________________
Dulcibus e stagnis fluvio torrente coactus
aequoreas praeceps piscis obibat aquas.
illic squamigerum despectans improbus agmen
eximium sese nobilitate refert.
- 5
- non tulit expulsum patrio sub gurgite phoecis,
verbaque cum +salibus asperiora+ dedit:
«vana +laboratis+ aufer mendacia dictis,
quaeque refutari te quoque teste queant.
nam quis eat potior populo spectante probabo,
- 10
- si pariter captos humida lina trahant.
tunc me nobilior magno mercabitur emptor,
te simul aere brevi +debile+ vulgus emit.»
|
|