BIBLIOTHECA AUGUSTANA

 

Evangelistarium Sangallense

875 - 900

 

Evangelistarium

 

fol. 79r-79v

Mc. 16:14-20

 

____________________________________________________________

 

 

 

Manuscriptum

 

In ascensione Domini

Sequentia sancti evangelii

secundum Marcum

 

16:14

In illo tempore. Recumbentibus undecim discipulis apparuit: et exprobravit incredulitatem illorum et duritiam cordis: quia his, qui viderant eum resurrexisse, non crediderunt.

16:15

Et dixit eis: Euntes in mundum universum praedicate Evangelium omni creaturae.

16:16

Qui crediderit, et baptizatus fuerit, salvus erit: qui autem non crediderit, condemnabitur.

16:17

Signa autem eos qui crediderint, haec sequentur: in nomine meo daemonia eiicient: linguis loquentur novis:

16:18

serpentes tollent: et si mortiferum quid biberint, non eos nocebit: super aegros manus inponent, et bene habebunt.

16:19

Et Dominus quidem postquam locutus est eis, adsumptus est in caelum, et sedet a dextris Dei.

16:20

Illi autem profecti praedicaverunt ubique, Domino cooperante, et sermonem confirmante, sequentibus signis.