Evangelistarium

fol. 97r-97v

Mt. 14:1-12

____________________________________________________________

Manuscriptum

In decollatione S. Iohannis Baptistae.

Sequentia sancti evangelii

secundum Matthaeum.

14:1

In illo tempore audivit Herodes tetrarcha famam Ihesu:

14:2

et ait pueris suis: Hic est Iohannes Baptista: ipse surrexit a mortuis, et ideo virtutes operantur in eo.

14:3

Herodes enim tenuit Iohannem, et alligavit eum: et posuit in carcerem propter Herodiadem uxorem fratris sui.

14:4

Dicebat enim illi Iohannes: Non licet tibi habere eam.

14:5

Et volens illum occidere, timuit populum: quia sicut prophetam eum habebant.

14:6

Die autem natalis Herodis saltavit filia Herodiadis in medio, et placuit Herodi:

14:7

unde cum iuramento pollicitus est ei dare quodcumque postulasset ab eo.

14:8

At illa praemonita a matre sua: Da mihi, inquit, hic in disco caput Iohannis Baptistae.

14:9

Et contristatus est rex: propter iuramentum autem, et eos qui pariter recumbebant, iussit dari.

14:10

Misitque et decollavit Iohannem in carcere.

14:11

Et allatum est caput eius in disco, et datum est puellae, et attulit matri suae.

14:12

Et accedentes discipuli eius, tulerunt corpus eius, et sepelierunt illud: et venientes nuntiaverunt Ihesu.