| |
|
-
- C a r m e n I
(III Watenphul/Krefeld)
- ________________________________
- «Omnia tempus habent», et ego breve postulo tempus,
- Ut possim paucos presens tibi reddere versus,
- Electo sacro, presens in regmine macro;
- Virgineo more non hec loquor absque rubore.
2.
- 5
- Vive, vir inmense! Tibi concedit regimen se,
- Consilio cuius regitur validaque manu ius;
- Pontificum flos es et maximus inter eos es.
- Incolumis vivas, plus Nestore consilii vas!
3.
- Vir pie, vir iuste, precor, ut moveam precibus te,
- 10
- Vir racione vigens, dat honorem tota tibi gens;
- Amplecti minimos magni solet esse viri mos:
- Cor miseris flecte, quoniam probitas decet hec te!
4.
- Pauperie plenos solita pietate fove nos
- Et Transmontanos, vir Transmontane, iuva nos!
- 15
- Nulla michi certe de vita spes nisi per te.
5.
- Frigore sive fame tolletur spiritus a me,
- Asperitas brume necat horriferumque gelu me,
- Continuam tussim pacior, tanquam tisicus sim,
- Sencio per pulsum, quod non a morte procul sum.
6.
- 20
- Esse probant inopes nos corpore cum reliquo pes;
- Unde verecundo vultu tibi verba precum do,
- In tali veste non sto sine fronte penes te:
- Liber ab interitu sis et memor esto mei tu!
|
|