BIBLIOTHECA AUGUSTANA

 

Carmen de prodicione Guenonis

ca. 1130

 

Carmen de prodicione Guenonis

 

Textus:

Carmen de prodicione Guenonis

in: Romania, Recueil trimestriel consacré a l'étude

des langues et des littératures romanes, 11, pp. 466-480

Versio digitalis:

Jan Kopecký, Praha

 

 

____________________________________________________________

 

 

 

 

 

Incipit prologus in bello de Runcevalle.

Condita pro donis fraus hic manifesta Guenonis,

Per quam decepit Gallos cum dona recepit.

 

Incipiunt versus de bello.

Rex Karolus, clipeus regni, tutela piorum,

Contemptor sceleris, sanctio juris erat;

5

Marte ferus, stirpe presignis, corpore prestans,

Mente pius, rebus faustus, honore potens.

Talem, tam magnum, tam mirum, mirificabant

Gloria, fama, decus, maxima, digna, decens:

Summa sit hoc laudis, sit fame, quod sua fama,

10

Quos sua laus fama sit mage, laude magis. 11

Hispanis minitans regno successit eorum;

Idem miliciis evacuavit idem;

Adnichilans regnum regni rex adnichilavit

Vi populos, bello castra, rogoque domos.

15

Rex annis septem sibi regni regna subegit,

In quo cum multis aspera multa tulit;

Post hoc excidium Morindia sive per arma

Sive per insidias regis adepta fuit;

Vi regis parta dum rex discessit ab urbe,

20

In sua regna fuit cura redire sui.

Indignans Rollandus eum prevenit, aitque: 21

«Ne remeare velis; flectere velle velis. 22

Quid remeare paras? quid agis, cum sit nihil actum? 23

Cesaris Augusta nonne superstes adhuc?

25

Hanc rex Marsilius tenet et dominatur eidem,

Injuste tractans omnia, jure nichil:

Nonne satis perdi dignus, sub eo quia perdunt

Pacem, jura, fidem bella, rapina, dolus?

Legatum lega cui dicas ut sibi dicat 29

30

Ut tibi submittat se, sua regna, suos;

Vel sibi si mavis per legatum breve leges, 31

Ut melius possit credere posse tibi.»

Precipit ergo breve fieri rex; mox breve factum;

Summa brevis brevis est, hec quia summa brevis: 34

35

«Da Karolo regnum. Dic: Do, tunc esse superstes

Fors poteris; sed dic: Abnuo, nullus eris;

Non sic nullus eris, quia non tantummodo nullus,

Immo minor nullo, si minor esse potes.»

Judice Rollando mox consul Gueno jubetur

40

Regis ferre breve, nuncius ipse simul;

Non odii causa, sed id egit amoris amore; 41

Huic tamen est odium visus amoris amor.

Gueno minis cumulando minas sibi multa minatur,

Solvere pollicitans premia digna sibi;

45

Rollandum mine tante, convicia tanta

Urgent, mestificant: hinc furit, inde tumet,

Illiusque minas grave fert illumque minantem,

Cumque minante parat adnichilare minas;

Sed prece, sed monitu, sed vi, sed rege jubente

50

Aut furor aut feritas aut minor ira sui. 50

Nuncius ire parat, regis breve ferre paratus:

Sic monet ipse furor ut sua vota ferat; 52

Talia dum Gueno videt insanire videtur,

Inque furore furor creditur esse furens:

55

Talis, tanta, gravis, furor, indignatio, livor

Hunc gravat, hunc urit, hunc monet esse gravem.

Hunc furor ire jubet, jubet hunc remanere Minerva;

Instimulatus eo, credere nescit ei;

Cum furor hunc vincit, sua victa furore Minerva;

60

Nam nequit illa suum flectere velle suo. 60

Affatur regem, regi parere paratus;

Sic affatus eum: vult breve detur ei.

Fert breve, cumque brevi brevibus verbis oneratur;

It regi parens, jussa parare parans.

65

Vir festinus abit, quia festinare jubetur:

Huic comes est probitas, et sibi nemo comes.

Regna citus transit Gueno, sic rege jubente;

Regnis discedens regna remota petit. 68

Ductus hic errore Sirie deserta pererrat:

70

Non illum ratio sed gravis error agit;

In diversa trahunt illum simul horror et error: 71

Hinc abit ipse sui nescius, inde timens.

Castra videns Sirie timet insidias Siriorum,

Et quia queque timet sunt sibi queque timor.

75

Eminus interea Gueno Marsilii videt urbem: 75

Cominus ire parat, sed pavor obstat ei;

Ante parum tutus, non est modo tutus ut ante: 77

Primum namque procul, non modo namque prope;

Cumque timore novo timor illius renovatur,

80

Et timet, et timidum reddit uterque timor;

Urbs illum terret et quicquid in urbe videtur:

An meet an remeet stans in utroque studet.

hunc tamen audacem probitas, audacia, virtus

Instimulant ut eat: instimulatus abit;

85

Incessanter ait, quia nunquam cessat abire:

Hunc gravat ira sui, sed magis ire suum.

Urbi succedit intratque palacia regis: 87

Regem non reperit; exit, abitque retro. 88

Deinde videt regem spaciantem sub spaciosa 89

90

Pinu, sub cujus frondibus umbra placet;

Marsilii conjunx in parte sedere sinistra

Visa sibi, nomen cui Bramimunda fuit; 92

Cujus forma micat Phebo mage mane micante:

Magnificat, decorat hanc decus atque decor.

95

Pulcra satis; satis hoc non, sed satis huic satis adde,

Non tamen hoc satis est, nec satis omne satis. 96

Purpurea veste vestitur regia conjunx,

Et vestem decorat et sua vestis eam;

Inque vicem dant amplexus, dant oscula multa,

100

Amplexusque juvant, oscula multa magis. 100

Bisque decem reges festum regis celebrantes 101

Cernit: eis visis visa videre stupet;

Saracenorum decies duo milia visa:

Dant sibi tot visa millia mille metus. 104

105

Miratur quia mira videt, quia res ea mira;

Mirans procedit Marsiliumque petit.

Deinde salutat eum quem nollet habere salutem;

Rege salutato premeditatus ait:

«Cur tibi talis honor, cum non sis dignus honore?

110

Non talem regem talia regna decent.

In nullo probus es, sed reprobus improbitate,

Improbitasque tui te negat ese probum.

Hoc Karolus tibi: Da Karolo tua regna regenda; 113

Et si forte neges, non sine morte dabis:

115

Nec gens, nec probitas, nec castra, nec arma tueri

Te poterunt quin te, quin tua regna terat. 116

Oppida, castra, domos sternet, vastabit, aduret,

Et tibi cum multis funera multa dabit.

Quis potis est adeo vel cui data tanta potestas

120

Unde possit eum perdere, posse suos? 120

Huic plures reges, huic cedunt plurima regna;

Dant reges, urbes, regna tributa sibi: 122

Rex cum regibus hiis subito tua regna subibit,

hiis comites aderunt millia mille ducum, 124

125

Perdent, comburent, urgebunt qui regionem,

Urbes, urbanos hostibus, igne, fame.

Ni parere pares, rex in nullo tibi parcet: 127

ni tibi nunc parcat, parcere nullus eris;

Inque brevi rex regna tui valet abreviare:

130

huic tu si non vis credere, crede brevi.

Missum solve breve, scriptum lege, perfice lectum,

Et ne pejus agas quod jubet illud age.»

Inspicit, inspecta legit, et mortem timet ergo,

Et se miratur posse timere mori. 134

135

Irarum causas in eum convertit, et optat

In medio medium tollere de medio.

Sed fidens ensi semiferus extrahit ensem, 137

Illiusque feri velle ferire ferum; 138

Sed nec eum feritas, nec jurgia dicta tuentur,

140

Nec vis, sed species sola tuetur eum: 140

Nam regina videns hunc talem tamque decentem

Cor regis flexit, flexa decore suo.

Sic ea: «Non probus hic? probitas sua nonne probanda?

Que sua sit probitas hac probitate probat.» 144

145

Rex ita: «Si Karolo carus cordique fuisses, 145

Nostros non sineret te peragrare sinus.

Forsitan instinctu Rollandi mitteris: idem

Quanti te faciat mente repone tua.»

Accedit propius rex Guenonique propinat,

150

Excepturus eum, verba daturus ei;

Rollandum rex hunc jubet ut seducat, et ejus 151

Blandiciis animum pascit et ere manum:

Multa sibi donans se spondet plura daturum, 153

Promittitque fero munera queque fere.

155

Donat eum donis, quia donantur sibi vasa,

Vestis, quadrupedes, aurea, pulcra, citi. 156

Nunc pius, ante ferus, nunc simplex, et gravis ante,

Ante minis plenus, desinit esse minans:

Nunc magis atque magis et adhuc mage cum magis auget 159

160

Munera, totque magis mens sua mota magis; 160

Seu rex, seu livor, seu donum, sive cupido 161

Vincit eum, nec eo gloria laudis ei;

Hinc jusjuratus sine jure Gueno sibi jurat

Se pro posse suo vota replere sua.

165

O scelus! o livor! o fraus! o ceca cupido! 165

Hunc que cuncta movent nonne movere queant?

Regem Gueno docet prestigia sedicionis, 166

Nec regem fallit fallere Gueno docent.

Miratur secum se sic audere quod audet,

170

Miratur tantum se potuisse nephas.

Gazas abscondi rex suadet, in hiis Karolus rex 171

Credere ne possit posse latere dolum;

Ut Karolo tradat regni claves sibi tradit,

Et sub eo scelere palliat omne scelus. 174

175

Ergo letificant legatum munera parta 175

Sola fraude sua, non probitate sui.

Marsilium, gazas, urbem, tentoria regis

Gueno means linquit, accipit, exit, adit.

Miratur reditum, miratur eum redeuntem

180

Rex Karolus, non hunc posse redire ratus. 180

Hunc legatus adit, intrat tentoria, claves

Pretendit, nugas fingit, et inquit ita:

«Marsilius tibi tutus eas, tua sit via tuta:

Nil te nolente, nil nisi jussus aget.

185

Te salvere jubet, dignum salvere juberi;

Illum te pariter cuncta jubere jubet.

Tocius regni claves tibi mittit habendas,

Et sua committit regna regenda tibi.»

Gaudent sublimes, humiles, exercitus omnis,

190

Nam quecunque refert omnia vera putant.

Rex scelus ignorans regnum, tentoria, turmam

Querit, dimittit, precipit ire retro:

Jam comites regem comitesque viri comitantur,

Maxima cum rege pars redeunte redit:

195

Tot Gallis visis ibi Gallia visa videri: 195

Gallia? sed visis Gallia visa minor. 196

Marsilii tamen insidias jubet esse cavendas:

Infido fidus horret habere fidem;

Nondum securus rex est, quia non sine cura,

200

Collectisque viris consulit ire viros, 200

Dumque phalanx sine tutela, tutela phalangis

Querit quis querat ire vel esse sue: 202

Gueno tumens ira Rollandum judicat ire, 203

Judicii cujus non sinit esse memor. 204

205

Ergo Rollandum rex convenit, et jubet illum

Ut vacet excubiis: rege jubente vacat.

Patricii bis sex comites sibi: quilibet horum 207

Ducit sive parat ducere mille duces; 208

Sicque ducum duce Rollando pars magna reducta; 209

210

Pars eques insequitur agmina, parsque pedes; 210

Pars parat insidias, pars obtinet arta viarum,

Pars scandit scopulos, ne quis obesse queat. 212

Hos omnes vexant, terrent, reprimit juga, valles,

Ardua, terribiles, terribilisque timor.

215

Interea rex seductos timet esse Guenonis

Cum duce Rollando sedicione duces.

Dum Rollandus abit, dum circumquaque vagatur,

Marsilii gentem Marsiliumque videt: 218

Scit se seduci Guenonis sedicione, 219

220

Premia polliciti solvere digna sui.

Dum graditur, dum mira videt, sibi fundere visa

Circumquaque viros vallis operta viris:

Hostis ubique patet; procedit, nec timet hostes, 223

Haut reputans hostes posse nocere sibi.

225

Inspirare tube jubet hunc Oliverus, in hostes

Ut rex subveniat subveniendo sibi. 226

Hic contra: «Numquid quod ais ignavia? numquid

Dedecus? et si non dedecus, ecce pudor! 228

Quid me terreret? Non Mars, non vulnera, non mors,

230

Non hominum centum millia, namque nichil.»

Hiis prius expletis optat complere quod optat,

Et parat, et properat omnibus ecce prior:

Arma rapit, turmas jungit Martemque minatur,

Et videt ipse minans omnia plena minis.

235

Omnibus inquit ita: «Victoria nos manet omnes; 235

Non opus est ope nunc, non nisi tela decent. 236

Vincere non vinci nobis dabit optima virtus:

Vinci nonne pudor? vincere nonne decus?»

Et probat esse prius multoque decentius ess 239e

240

Posse fugando mori quam fugiendo mori. 240

Huic comes in primis Oliverus, Gero, Gerinus,

Et reliqui quorum nomina non memoro; 242

Dans animus animos nostros animavit ad arma:

Armis ne pereant arma parare parant.

245

Cuique caput cassis, humerum clipeus, latus ensis, 245

Hasta manum munit, ne quis inermis eat.

E contra latitans rex induit arma latenter,

hostes hostili vincere Marte ratus. 248

Armantur reges sub eo sua regna regentes;

250

Regibus armatis induit arma phalanx,

Marsiliique nepos se primum spondet iturum

. . . . . . . . . . . . . . . . . . . . . . . . . . . . . . . . . . . .

Patricios hic undecimus conjurat in omnes; 253

Rege duodecimus cogitur ire tamen. 254

255

Hunc equitum turma peditumque caterva secuntur;

Sed regum remanet rege manente manus.

Hic in Rollandum primum ruit agmine primo:

Primum victus eo vincere credit eum.

Jam jacet ut truncus, ab eo truncatus in armis,

260

Jam pereunt pariter cum pereunte mine.

Succedunt alii, sed frustra, namque perire 261

Cogit eos pariter condicione pari.

Hoc feriente feros, ferit illum turma superstes, 263

Inque ferum renovat prelia turba ferox.

265

Rollandi turma turmas ruit omnis in omnes:

Hac instante ruunt, hac veniente timent.

Samson, Turpinus, Oliverus, Gero, Gerinus

Quinque prosternunt corpora, quisque suum,

Post alii quinque prosternunt corpora quinque; 269

270

Excitat ergo minus prelia turba minor.

Tunc alacres Galli magis instant; pars tamen ingens

Ledit et arcet eos, instat et obstat eis.

Ut mos est mox quinque fugant et quinque fugantur, 273

Mars in Marte graves reddit utrumque gravis. 274

275

Quod gentis superest gentilis funeris horror 275

Cogit habere metum, suadet inire fugam.

Diffugiunt tamen, incassum, quia diffugientes 277

Seu vi Rollandi sive timore ruunt.

Sed Margaretus, fugiens vix vixque superstes,

280

Et celer et timidus et male tutus abit;

Illum festinant ferus hostis, mortis ymago, 281

corpora truncata, sanguis ubique fluens;

Festinans equus ipse fremit, timet ipse magister,

Mox coram rege stat rationis egens.

285

Sic orsus: «Num mira vides? ubi robora mira

Misse gentis? ubi gens ea tota modo?

Aspice quid tua gens: tua gens modo non nisi non gens.

Quid gens? quidve nepos? Hec nichil, ille nichil.» 288

Jam majora minans dolet, horret perfurit, ardet

290

Rex pro gente sua proque nepote suo.

Omnes dimidiat turmas exercitus omnis, 291

Premittitque decem rex retinetque decem: 292

Auditur sonus armorum clangorque tubarum,

Quadrupedum fremitus, gens quasi tota fremens.

295

Tota prius tuta Turpini tota caterva

Incipit esse timens incipientis ita:

«Nunc vires revocate, viri: victoria primum

Nobis prima datur, nosque secunda manet.

Quid prodest revocare metum? quid ferre dolorem?

300

Quid dare terga fuge? quidve timere mori?

Hostibus instemus!» Auditis talibus instant:

Hostibus admoti prelia mira movent,

Exercentque viri vires in Marte viriles, 303

Dantque viris vires vincere Marte viros.

305

Forte ferus quidam fugat et ferit Engelierum:

Leso vulnus obest, precipitatus obit;

Aggrediens Oliverus eum lateri locat ensem:

Sic agressus eum vincere demit ei.

Mox alius morti Sampsonem destinat, et mox

310

Ultima passus eques precipitatur equo. 310

Num jactura gravis, quia sic in Marte gravatur?

Num gravior gemitus quod perit hoste gravi?

Causa sue mortis et Mars et vulnus et ensis

Et fortuna gravis et gravis hostis erat.

315

Funere Sampsonis viso visaque ruina

Victor Rollando vindice victus obit.

Ecce vir Anseum premit acriter ictibus acer:

Debita carnis ibi solvere cogit eum;

Victorem perimit Turpinus, Grandoniumque

320

Rollandus, per quem corruit ante Gero.

Multa prius passa sternuntur corpora passim; 321

Passum cede solum cedis onustat humus. 322

Corde tumens, ira succensus, cede cruentus,

Rollandus magis est quam fuit ante ferus:

325

Turmas adnichilat ductoribus adnichilatis;

Jam poterit dici gens ea tota nichil.

Evadunt pauci, pugnant pauci, quia pauci;

Ad summam si quis forte superstes abit. 328

Ergo Marsilius Marti vacat et fremit ira, 329

330

Et quia gente vacat fit quasi mente vacans: 330

Tam leviter tot tanta stupet rex agmina vinci, 331

Tamque brevi spacio tot potuisse mori.

Hostibus invisus visos accedit ad hostes; 333

Regia signa ferens primus Abismus abit.

335

Quit Turpinus? equum ferro premunit et armat, 335

Ut sit equus tutus, ut mage tutus eques. 336

Si quis equum, quis equi speciem, quis singula laudat? 337

Illius ad laudem singula sufficiant:

Horridus aspectus, auris brevis, ardua cervix,

340

Costaque prolixa, tibia recta sibi,

Crus perlargum, pes cavus et pectus spaciosum. 341

Dici vix satis est optimus hic sine vix. 342

Hunc clavo stimulat et eidem laxat habenas, 343

Primus equos celeres cursibus equat eques. 344

345

Obvius it, velut indignans, velut hostis, Abismo,

Et mortis penam dat sine fine sibi. 346

Proximus huic Rollandus init primordia belli, 347

circumquaque ferit et fugat usque feros.

Non vite parcens, non curat parcere cuiquam: 349

350

Prosternit solus corpora mille solo.

Non similis Marti, sed Mars in Marte videtur:

Hunc Martem dici Mars inimice probat. 352

Hic ab eo truncata jacent graviter caput, auris, 353

Tibia, pes, humerus, brachia, crura, manus.

355

Multa ferunt una Galli, quia ferre videntur

Vulnera, dampna, necem, plurima, prava, gravem.

Gallia nonne potest occasum plangere? nonne

Tot deflere viros tot viduata viris?

Prelia temptantes vix sexaginta supersunt,

360

Quos vexant pariter prelia, plaga, labor.

Rollandum subit interea timor, horror et ardor:

Hic gravat, hic turbat, hic satis urit eum.

Martem tunc primo, mortem tunc primo veretur,

Marte tamen vinci mestus utroque magis.

365

Jam parat inspirare tube; cui sic Oliverus:

«Desine, te pudeat! desine, namque pudor! 366

Num tibi, nonne tuis erit intolerabile, perpes, 367

Maximus, obprobrium, dedecus, atque pudor?»

Hic tamen inspirat, Turpino crebro rogante:

370

Hoc monet, hoc cogit ira, necesse simul. 370

Mirantur sonitumque stupent hunc omnia: montes, 371

Arva, nemus, valles, equora, terra, polus.

Rumpuntur vene capitis conamine tanto,

Et sibi nare cruor manat utraque simul. 374

375

In sua regna means sonitus rex inter agendum 375

Audit et agnoscit, notaque causa sibi.

Comperto scelere, comperta sedicione,

Vinclis imprimitur rege jubente Gueno. 378

Estuat, insanit, languet, redit, et sua turba 379

380

Cum languente dolet, cum redeunte redit.

Dum gradiuntur inest furor omnibus omnis in omnes:

Causa rei scire submonet ire cito. 382

Interea Marte rex Marsilius premit hostes,

Nam dat eis primum vulnera, deinde mori,

385

Inque viros vires jubet exercere Quirites, 385

Exercetque suas instimulando suos. 386

Rollandum noscens per membra, per arma, per actus, 387

Miratur tot eum prelia posse pati.

Hunc natumque suum visus videt, instat utrique, 389

390

Prebet utrumque fuge, terret utrumque fugans; 390

Patris in aspectu nato dat dampna, dat ictus: 391

Perdens ante suos perditur ense suo;

Preveniens regem regi dextram secat: ictus

Dampna gemit, mortem vitat, initque fugam.

395

Jam minus est audax rex, non ausus remanere;

Gens regis fugiens cum fugiente fugit.

Obliquo feriens Oliverus contrait, angit; 397

Terret Agalifus ictius, ense, minis: 398

Leditur et ledit ledentem primo relisus,

400

Postremo lesus funera prima subit. 400

Plenus vulneribus, post vulnera tanta recepta,

Vulnerat innumeros in moriendo viros;

Jam velut insanus, jam cedit ut orbus in hostes;

Debilitat visus subtrahiturque vigor: 404

405

Rollandum ferit inscius, ast minime nocet illi, 405

Nulliusque locum vulneris ictus habet.

Dum stat, dum pugnat, stupet ictum taliter ictus;

Respicit, et facies vix sibi nota sui.

Inquit: «Non hostem velut hostis ledis, ut hostem

410

Hostis; amicus ego non tuus immo tibi.

Nosce tuum, nosce; forsan non noscis ad ictus:

Id res, id gladius, id tua facta probant.»

Audita voce dolet, et veniam petit inde:

Dat veniam, factum nam veniale videt.

415

Mox est lapsus equo, pedibus submissus equorum:

Proh pudor! ecce jacet, proh dolor! ecce perit! 416

Res gravis occasus gravior, plus funus utroque:

Iste dolor dolor est plusque dolore dolor. 418

Rollandus jam non vexat nisi tercius hostes,

420

Tercius impugnat, tercius obstat eis;

Turpinus comes huic hinc, Walterus comes inde: 421

Hic trux, ille ferox, hic probus, ille simul;

Incedunt pedites, transfossi pectora pilis, 423

Dumque nocent aliis, spicula missa sibi. 424

425

Spicula Waltero dant vulnera, vulnera penam,

Pena metum mortis, luce carere metus.

Stat Rollandus adhuc et adhuc secat, efficit, arcet

Ense caput, telo vulnera, Marte viros.

Adventum Karoli gentilis turma perhorret:

430

Ne magis incurrat dampna redire parat;

Diffugiunt celeres velut in certamine ducti: 431

Si quis ibi primus, ultimus esse putat.

Forsan non metuunt regem, non agmina regis,

Non gladiatorum bella: quid ergo? mori.

435

Seu metuunt seu non, abeunt nullo remanente:

Omnibus hoc solum cura tenere fugam.

Sic cum Turpino Rollandus prelia finit;

Hiis ita finitis finis utrique prope. 438

Turpinum graviter gravis arripit extasis; exhinc

440

Nutat, vi penitus deficiente sibi;

Rollandusque fere moritur viso moriente:

Languet, vultque mori cum moriente suo.

Jam velut exsanguem locat hunc exsanguis in herba, 443

Et prius immunda vulnera mundat ei;

445

Herba refrigerium dat ei dum cumbit in herba

Erecto capite vix sedet haut sine vix. 446

Rollandus semel ac iterum pede corpora volvens

Huc illuc meat in sanguine crure tenus:

Circumquaque legens fert corpora patriciorum,

450

Quorum plus mortem quam sua fata gemit;

Absolvit prius hos Turpinus, signat abinde, 451

Mox anima corpus egrediente suum.

Rollandus cedem, gemitus, loca cede referta,

Aspicit, emittit, deserit, itque mori.

455

Dum moriens magis affectat quam vivere mortem, 455

Dulce mori visum, vivere triste sibi.

Adnixus scopulo requiem petit, aspera passus,

Et supplex veniam supplice voce rogat.

Hunc credunt obitum gentiles unus et alter, 459

460

Et cornu capere curat uterque suum:

Aspiciens hos, obliquo cornu feriente,

Se secus utrique dat moriendo mori.

Dum moriens orat, mors vite terminat horam:

Jam quasi nullius, jam quasi nemo jacet. 464

465

Proh! quia Gallorum tu spes, tu fama fuisti,

Et probitas et dux et decus omne simul!

Gallia te nudata jacet, quia te prius ente

Quid fuit? orbis honor; quid modo? tota nichil.

Virtus miratur te taliter adnichilari,

470

Mors etiam per eam te potuisse mori.

Quid promam, quid non? satis est hoc promere solum: 471

Francigene gentis gloria solus erat.

Illum, patricios, cives, proceres peditesque

Rex obiter veniens Marte jacere videt; 474

475

Non hos, non illos tantummodo, sed simul omnes

Rex cum gente sua fletque doletque simul:

Summos quo? summo; mediocres quo? mediocri; 477

Parvos quo? minimo turba dolore gemit. 478

Accitur Gueno penas pro fraude daturus;

480

Mox ereptus equo dilaceratur equis.

Pro fraude scita finita sibi sua vita. 481

Res ita finita testificatur ita.

 

Explicit de tradicione Guenonis.

 

――――――――

 

Notae:

 

11

M. succescit

21

M. enim pervenit  

22

«Veuilles plier, changer ta volonté.»  

23

M. sit nobis actum  

29

M. lege  

31

M. Ut  

34

M. hoc quoque summa brevis  

41

Amoris amore signifie ici simplement «par amitié», amor étant pris dans le sens de causa; mais le vers suivant renchérit sur cette manière déjà bizarre de parler.  

50

On pourrait corriger ira fuit; mais cf. v. 86.  

52

Il s'agit ici de Rolland, qui se propose, comme dans La Chanson, pour faire le message à la place de Guenelon, ce qui Guenelon refuse.

60

Car sa sagesse ne peut plier son vouloir [á lui] par son vouloir [á elle].»  

68

M. discendens  

71

simul a été suppléé par M.; le ms. a ici un trou  

75

Cominus  

77

paret  

87

instatque  

88

reto  

89

Demum. Spaciantem paraît vouloir dire ici «se reposant, se donnant de l'aise», sens que je n'ai pas rencontré ailleus; voy. cependant dans Du Cange quelques passages où spatiari paraît signifier «jouer, se divertir.»

92

M. Bravimunda  

96

M. Non tum  

100

M. mage  

101

Et que d. (M. Et quia d.)  

104

metro  

113

do  

116

M. ferat  

120

Notez ici et au v. 32 la singulière réunion de possit et posse.

122

Hinc, hinc  

124

On sait qu'aut moyen âge on écrit toujours hiis par his, tout en ne comptant le mot que pour une syllabe.

127

M. parare, tibi suppléé par M., manque dans le ms.

134

M. miratus  

137

L'i de semiferus devrait être bref.  

138

«Et la volonté de ce féroce [Guenelon] est de frapper le féroce [Marsile].» Peut-être ce vers est-il altéré.

140

Non  

144

Quod  

145

M. cordi quia f.  

151

Rollandus; M. fait suivre le mot d'un (sic). Seducere signifie ici «trahis», comme aux vers 215, 219.

153

spondit  

156

titi, M. pulchra sibi  

159

Hunc, M. cum mage auget  

160

M. mota mage  

161

seu timor  

165

qui  

166

Sedicio, «trahison», comme aux v. 216, 219, 379.  

171

M. Carolo  

174

175-76 et 177-78 intervertis  

175

abit  

180

Hec  

195

M. videre  

196

195-196 «A la vue de tant de Français on peut croire voir la France elle-même; la France? non : elle semblait moins grande que ces Français qu'on voyait.» Je crois que tel est le sens de ces deux vers; le point d'interrogation après Gallia au v. 196 est marqué dans le manuscrit.

200

201-202 «Et comme son armée est sans [avant-]garde, il demande qui veut s'en aller [faire l'arrière-garde] ou être [l'avant-]garde de son armée.» Tel paraît être le sens de ces vers, si on tient compte du v. 203, où ire désigne visiblement la fonction assignée à Rolland par Guenelon.

202

M. indicat  

203

M. Indicii, sinit (M sinet)  

204

J'ai conservé sinit, supposant que le poéte donne à ce mot le sens de desinit, bien que je ne connaisse pas d'exemple de cet emploi.

207

Duces ici et au v. 209 semble désigner simplement des guerriers; je ne sais si le texte est bien sûr.

208

Sicque ducit duce  

209

equos (M. eques)  

210

arta maris  

212

M. reprimunt  

218

Allusion à l'étymologie de securus.  

219

Cf. v. 44.  

223

M. Hanc  

226

Hoc, M. numquis (la première fois)  

228

M. terreretur  

235

Nunc. On pourrait peut-être garder Nunc en mettant la virgule aprés ope et en entendant: «Il faut maintenant s'aider, se défendre»; mais je crois la correction beaucoup plus vraisemblable: Rolland fait allusion au secours dont il ne veut pas.

236

vinci (M. vincere)  

239

Je soupçonne que l'un des deux mori a pris la place d'un autre mot, mais je ne le devine pas: peut-être virum en place du premier?

240

M. Hinc  

242

animos hos tres. La leçon du ms., hos tres, pourrait se défendre; cependant, avec Rolland, ils sont au moins quatre, et ce vers et le suivant paraissent s'appliquer aussi bien aux reliqui mentionnés au v. 242.

245

inarmis (M. inermis)  

248

M. tenentes  

253

Patricius, M. hiis.  

254

253-4 Ces deux vers ne sont pas clairs.  

261

perare, M. parare  

263

feros fert  

269

L'allongement de l'e de quinque, hors de la césure, paraît bien du fait du poète.

273

mox manque, et suppléé par M.  

274

Je ne comprends pas ce vers.  

275

furans h.  

277

M. incassumque d.  

281

Festinare dans ce sens n'est pas latin.  

288

hoc  

291

M. dimediat. L'u bref d'exercitus au génitif est une faute de quantité.

292

M. Permittitque, M. retin.....em; les lettres remplacées par des points sont effacèes dans le ms.

303

viris vires  

310

passus equus  

321

M. Multa post passa  

322

Vers qui m'est inintelligible.  

328

l'i de si est effacé  

329

M. finit  

330

M. sit  

331

M. leniter  

333

inuisis, M. immisis. «Non vu [jusque-là] de ses ennemis, il s'approche de ses ennemis qu'il a vus (?).»

335

M. premunivit  

336

tutus equus  

337

M. spernet  

341

M. canus  

342

Ce galimatias signifie à peu près: «C'est à peine assez de dire: il est excellent, si on n'ajoute pas que c'est à peine assez.» Cf. v. 446.

343

laxa (M. laxat)  

344

sceleres (M. celeres)  

346

sine pene  

347

M. Proximum . . . R. (les lettres mus huic rollan sont effacées). «Il le condamne à la mort éternelle,» parce qu'étant païen il est damné en même temps que tué.

349

parcere, M. perdere  

352

inimisse. Je corrige, sans certitude, inimisse qui n'a pas de sens; nimice signifierait «de mauvaise grâce, avec envie.»

353

Hec (M. Hic)  

366

D. ne te pudet  

367

intollerabile  

370

M. rogit  

371

hec  

374

utroque  

375

iter  

378

Vinctus  

379

Il s'agit de Charlemagne et non, comme on pourrait le croire, de Guenelon. Languere, ici comme au v. 442, a le sens de «se pâmer».

382

Je ne puis éclaircir cette construction.  

385

Quirites au senes de «guerrier», fréquent au moyen âge.  

386

Exercentque s. in stimulando  

387

M. peractus  

389

M. vis.  

390

intret  

391

M. autem. «Celui qui auparavant tuait les siens [ceux de Rolland] est tué par son épéé.»

397

M. augit  

398

M. Agalisus  

400

«[Olivier] est blessé et, frappéle premier, blesse celui qui l'a blessé; [Agalife,] blessé le dernier, meurt le premier.»

404

Debilitat au sens neutre m'est inconnu.  

405

Rollandus, illi manque  

416

parit  

418

M. plus quam. «Cette douleur est une [vraie] douleur et plus qu'une douleur.» Je ne pense pas qui'il y ait d'altération.

421

c. habet hinc, c. una  

423

Inceduntque pedes  

424

«Et pendant qu'ils combattent les autres, on leur lance des dards.»

431

Vers obscur: in certamine = «à l'envi»? Mais ducti?

438

utroque  

443

exanguis (M. exsanguis)  

446

M. hic sine vi. «Il se tient à peine assis, et ce n'est pas sans à peine»; c'est-à-dire, si on n'ajoutait pas à peine, on ne pourrait pas dire qu'il se tient assis; ct. v. 342.

451

hoc  

455

M. vincere  

459

adeunt  

464

Nullius, «n'appartenant plus à personne», pas même à lui?

471

pr. cum n.  

474

obitum, M. vidit  

477

M. mediocre  

478

M. quos (après le 1er et le 3e quo le ms. porte un signe d'interrogation très net)

481

M. finita