Physica

Liber VI

____________________________________________________________

Liber sextus.

De avibus.

____________

Praefatio   Capitula   Incipit

____________

Praefatio.

[1] Cum anima in corpore hominis aerea est, quamdiu in corpore manet, ita quod aere attollitur et sustentatur, alioquin in corpore suffocaretur: et in humano corpore cum sensibili intelligibilitate et stabilitate versatur, et ad haec volatilia creata sunt et posita, cum quibus ipsa sentire et scire debet, quae sibi scienda sunt, quoniam volatilia in aere pennis suis attolluntur et ubique in aere versantur; et sic anima, dum in corpore est, cogitationibus suis elevatur et ubique se dilatat. [2] Et in humiditate terrae perfectio illa ostenditur, quod homo in formatione sua perfectus est atque in corporabilitate discernitur, quod homo se corporalem esse in arboribus cognoscit; et his duobus, scilicet in humiditate, in corporabilitate intelligere debet, quod accrescere non poterit, quandiu anima in ipso est.

Capitula.

Incipit liber sextus.

[...]

Capitulum XIV.

De Urhun.

[1] Urhun calidum et aliquantulum humidum, et ideo tam infirmis quam sanis in comestione bonum est. [2] Et si maden {tarmus ed.} aut alii vermes hominem comedunt, vesicam Urhunes pulveriza, et pulverem istum in locum ulcerum illorum pone, et cum de pulvere isto gustaverint, moriuntur.

[...]

Capitulum XXII.

De Corvo.

[1] Corvus plus calidus quam frigidus est, et quasi in medio aeris volat. [2] Et astutus est, audax, et non timet, atque hominem non multum fugit nec timet, ita quod etiam faciliter cum eo loqueretur, et scientiam fere ad hoc haberet, nisi quod irrationale animal est. [3] Et quia hominem cognoscit, ideo etiam multociens ea rapit quae homo apud se habet. [4] Et caro eius homini ad comedendum contraria est, quia naturam latronum et furum habet. [5] Et caetera quae in eo sunt ad medicamenta non valeat.

[...]

Capitulum XLII.

De Drosela.

[1] Drosela calida est, et moribus suis mansueta. [2] Sed homo qui interius in gutture aliquo modo dolet aut qui raucus in voce est, eam in aqua coquat, et in aqua illa lineum pannum intingat, et cum panno illo madido totum guttur suum usque ad orclatum {?} belbe {usque ad aures suaviter constringat ed.} et de residuo eiusdem aquae suffen paret et comedat, et hoc saepe faciat, et melius habebit in gutture et in voce. [3] Et qui in iecore aut in pulmone dolet, droselam accipiat, et eam in aqua coctam saepe comedat, et sanabitur.

[...]

Capitulum LXIX.

De Wespa.

[1] Wespa calida est et munda. [2] Homo enim berwurcz pulverizet, et bis tantum de pulvere vespae addat, et pulveres istos super calidum fumum teneat, ut paulatim et leniter incalescant, et sic calidos super cibum quod comedere vult teneat, et sic venenum ita infirmabitur quod eum laedere non valet.

[...]

Explicit sextus liber