Liber XXIV philosophorum

Philosophus XX

________________________________________________________________

XX.

Deus est, qui solus sui intellectu vivit.

Non vivit sicut corpora, quae recipiunt aliena intra se, ut convertant ea in sui naturam; non vivit sicut corpora supracaelestia, quae a spiritibus habent motum; nec vivit ut intelligentiae, animae, quae ab ipsius virtute sustentantur; sed a se ipso vivit, et in se ipsum intelligendo vivit et est semper essentialiter.