Avianus novus

ca. 1100

____________________________________________________________

Prologus

Huc, precor, invito, cum Musis, Phoebe, venito,

his me pro ludis vatibus adde tuis.

Phoebe, canendo lyra mea carmina saepe regyra

plusque minusve metris deme vel adde meis.

5

sic expurgatis vitiis dictamina vatis

sic bona fama vehat, mundus ut ipsa legat.

arte mea fantur, licet illis verba negantur,

bos, lupus, ursa, caper, simia, pardus, aper.

exemplo quorum capias, homo, commoda morum

10

et sic devites, quae nocitura vides.

ne praesumatur, prima ratione vetatur,

†quod nocet ut pestis, mentita sit amphora testis.†

te vitiis munda, perlecta parte secunda,

nec sit velle penes, quae vitiosa tenes.

15

ne quis fallatur, pars tertia tota legatur,

ne subito credat, tertia lecta vetat.