Liber de rebus in

administratione sua gestis

____________________________________________________________

V.

De Cormeliis Parisiensibus.

De Cormeliis in pago Parisiensi {Vulgo Cormeille en Parisis (Seine-et-Oise)}, incrementum census octo librarum; cum prius haberemus duodecim libras, modo viginti. De annona decem aut duodecim modios habebamus, nunc decem et octo. Apud Centinodium {Sannois (Seine-et-Oise)} quatuor libras de incremento novi census, et de veteri centum solidos. Apud Francorum Villam {Franconville, haud procul ab eisdem locis.} quadraginta solidos de novo incremento, et quadraginta de veteri praeter feodum. Decimam de feodo nostro, quam emimus a Pagano de Gisortio, et dedimus clericis matriculariis pro amore Dei, excepta decima clausi nostri, quam nobis retinuimus.