De diversis artibus libri III

Liber tertius

____________________________________________________________

Caput XCVI. ¹⁾

De aurea scriptura.

SI quis scripturam quaerit sibi scribere pulchram

Ex auro, legat hoc quod vili carmine dico.

Aurum cum puro mero molat usque solutum

Hoc nimium fuerit; moneo quod saepe lavet illud,

Nam quia deposcit hoc candens pagina libri.

Exin thaurini faciat pinguedine fellis

Hoc liquidum, si vult seu cum pinguedine gummi.

Atque rogo pariter calamo cum ceperit aurum

Illum commoveat, pulchre si scribere quaerit.

Hinc siccata sed ut fuerit scriptura, nitentem

Hunc nimium faciat ursi cum dente ferocis.

――――――――

1) Heraclii videtur esse.