Theophilus
ca. 1080 - post 1125
|
|
De diversis artibus libri III
Liber tertius
|
|
____________________________________________________________
|
|
Caput CIV. 1)De viridi vitro.
QUI vultis preciosum vitrum facere, auribus percipite hanc artem quam vobis de vitro scribere curavi. Pulverem arsi sulphuris cum viride vitro indagavi, pariterque pulverem arsi cupri michi quaesivi. Deinde vitrum valde clarum supra petram marmoream redegi in pulverem, atque sulphuris ac cupri pulverem valde tritum commiscui; facta autem tali commixtione, illam puro gummi liquore temperavi, et super testam ex hac causa probandi pincello traxi, atque in fornacem eandem posui. Ast ubi rufa fuit, illam a fornace extraxi, et commixtio quam super testam pinxi in viride vitrum conversa est.
―――――――― 1) Heraclii capitula est. |
|