<<< operis indicem  <<< retro  porro >>>



B  I  B  L  I  O  T  H  E  C  A    A  U  G  U  S  T  A  N  A

 

 

 

 
Statuta communis Bugellae
1245/1348
 


 






 



S t a t u t a 
C o m m u n i s
B u g e l l a e



R U B R I C A   X I I I
D E   M E N S U R I S
E T   S A L U T A T E .

________________________________


224.
[I]
QUID CAPERE DEBENT
ASSOMATORES ET QUID IPSI
ET CONSULES PRO MOLENDINIS
HABERE DEBENT.


Statutum est quod assomatores menssurarum habeant pro assomatura de cebra sestario. statera marcho. denar. II. pro qualibet et de qualibet alia menssura. denar. I. et quod consules assomatores et officiales pro signatura sol. V. a quolibet molendino et de denariis dictorum molendinorum habeant consules sol. XX. asomatores sol. VIIII. et notarius et seruitores. sol. VI.

225.
[II]
QUI TENEANTUR
FACERE SALUITATEM.


Item statutum est quod omnis molinarius ferrarius et testor et quilibet alyer cui perceptum fuerit faciat saluetatem. Et qui noluerit eam facere soluat bannum sol. XX. et postea eam faciat et molinarij teneantur omnes eorum masenengos infra. octo dies post qua,m ipsos couentauerint pressentare consulibus ad faciendum saluitatem et qui contrafecerit soluat bannum predictum pro quolibet si non jurasset saluitatem consulibus.

226.
[III]
TENENTES MENSURAS
REPROBAS PUNIANTUR.


Item statutem est quod qui tenuerit aliquam falssam menssuram causa emendi vel vendendi soluat bannum sol. LX et perdat illam menssuram et consules teneantur facere ipsam comburi in plathea placij.

227.
[IIII]
PUNIANTUR MENSURANS
MENSURA NON APPROBATA.


Item statutum est quod qui menssurauerit ad aliquam causa emendi uel uendendi que non sit signata signo comunis soluat bannum sol. quinque pro qualibet vice etiam si fuerit rationabilis. et si fuerit falsa soluat bannum sol. XX.

228.
[V]
PENA NON MENSURANTIS
AD MENSURAM BUGELLE
ET FORMA IN
FORNAXARIJS ORDINATA.


Item statutum est quod nulla persona de bugella debeat messurare uel menssurari facere aliquod bladum uel uinum uel aliquid alium ad aliquam menssuram nisi ad menssuram bugelle. Et qui contrafecerit soluat bannum pro qualibet uice sol. X. pp. Et consules non possint dare licentiam. tam emptor quam uenditor.

229.
Item statutum est quod quisque fornaxarius qui fecerit uel fieri facerit lapides uel cupos in bugella vel in vernato uel in eorum territorio ipsos facere fieri facere debeat ad modum signatum signo comunis bugelle. Et qui contrafecerit. soluat bannum. sol. XX. pp. pro qualibet uice. et quilibet possit esse accussator et habeat suam partem banni. Et consules teneantur ter in estate

230.
[VI]
ASSOMATORES NUMERUM
MENSURARUM QUAS SIGNANT
ET QUIBUS SCRIBI
FACERE TENEANTUR.


Item statutum et ordinatum est quod assumatores menssurarum teneantur et debeant tempore quo signant menssuras facere scribi nomina illorum qui faciunt signari et numerum menssurarum. Quod si non fecerint soluant pro quolibet assumatore pro banno. sol. X. pp. et debeant signasse infra nativitatem domini. Et postea consules teneantur eligere quatuor sapientes qui sint cum eis ad examinandum et prouidandum si integre menssure fuerint signate. Et si reperiretur aliquis non fecisse signari qui utatur menssuris ad vendendum et emendum soluat pro qualibet menssura sol. V. pp. et illud idem intelligitur de stateris et marchis. et consules teneantur ire requisitum bis in anno ex improuiso omnes mensuras tabernariorum.

231.
[VII]
MODUM CAUALLETORUM
SUPER QUIBUS SUNT
LAPIDES LABORANDI.


Item statutum est quod aliqua persona non possit nec debeat laborare nec laborari facere lapides fornacis super aliquibus lignis vel caualetis qui caualeti non sint plani in loco ubi ponitur modus ad faciendum lapides et qui caualleti sint signati signo communis. et approbati per consules. Et si contra in aliquo factum fuerit. dominus fornacis soluat bannum sol. XX. et laborator sol. V. pro quolibet et qualibet uice. et quilibet possit accusare et denuntiare. et tenebitur priuatus. et habeat terciam partem banni. et si laborator non esset soluendo. dominus fornacis teneatur pro eo.

232.
[VIII]
ASOMATORES CONSIGNENT
CONSULIBUS NUMERUM
MENSURARUM.


Item statutum est quod assumatores comunis teneantur et debeant dare in scriptis numerum consulibus comunis quot mensuras signauerunt cuilibet tabernario et quales. Infra festum natiuitatis domini. et si contrafecerint soluant bannum pro quolibet et qualibet vice sol. XX. pp.

233.
[VIIII]
QUOT VICIBUS CONSULES
CONTRA TABERNARIOS
ET FORNAXARIOS
INQUIRERE TENEANTUR.


Item satutum est quod consules comunis bugelle pro eorum sacramento teneantur omni anno tribus uicibus et ex improuiso inquirere mensuras tabernariorum et fornaxariorum et punire omnes et singulos quos inuenerint fecisse contra statuta secundum formam aliorum statutorum.

234.
[X]
PENA EORUM QUI AD
PLATHEAM VENDUNT MENSURIS
UNDIQUE NON FERATIS.


Item statutum est quod reuenditores nec aliqui alij uendentes bladum uel salem ad platheam non possint uendere uel mensurare. ad starium. minam. uel quartaronum nisi dicte mensure sint ferrate circumquaque et per transbersum. et qui contrafecerit soluat pro quolibet et qualibet vice sol. V. et quilibet possit accusare et denuntiare et tenebit privatus.

235.
[XI]
QUANDO ASOMATORES
VETERES TENEANTUR MENSURAS
NOUO CLAUARIO CONSIGNARE.


Item statutum est et ordinatum quod assummatores veteres teneantur et debeat dare reddere et restituere clauario nouo et consulibus qui pro temporibus fuerint infra VIII. dies post sanctum Martinum omnes mensuras communis quas habebunt penes se. ad signandum alias mensuras et qui contra fecerit soluat pro quolibet et qualibet ebdomada. qua contra facerent sol. V. pp.

236.
ELECTORES OFFICIALIUM
NON POSSUNT ELIGERE
ASUMATOREM, QUANDO SIT DE
CONCILIO VEL CREDENCIA.


Item statutum est quod electores officialium non possint eligere asumatores quando vnus ex ipsis sit de consilio uel credencia communis bugelle et non possint signare nisi ambo insimul et in plathea plani bugelle et in placio comunis et teneantur signasse infra nativitatem domini et elapso dicto termino non possint.

237.
REVENDITOR NON POTEST
TENERE IN DOMO MENSURAM
NON SIGNATAM.


Item statutum est quod aliquis reuenditor non possit in domo tenere aliquam mensuram que non sit signata signo comunis bugelle et qui contrafecerit soluat pro qualibet mensura sol. V.

238.
NOUUM STATUTUM
DE FORNAXARIJS.


Item statutum est quod omnes et singuli fornaxarij per se et eorum laboratores et masnengos teneantur et debeant de cetero facere et redere lapides et tegulas bene coctas. in longitudine latitudine et grossitudine justa mensuram ordinatam. et positam per comune. et denunciare consulibus quocienscunquue vacuauerint fornacem de lapidibus et tegulis quod mittent officiales comunis inquirendum si dictum opus factum fuerit ad mensuram dicti comunis. Et qui contra in aliquo fecerit soluat pro quolibet et qualibet uice sol. LX. Et quilibet possit accusare publice et priuatim. Et consules teneantur inquirere omni mensse tempore quo ipsi fornaxarij laborant ad fornacem. Et per hoc statutum intelligantur esse cassata omnia statuta loquencia de fornaxarii. preter statutum quod loquitur de ponderandis seu careandis lapidibus uel cupis.
 
 
 
<<< operis indicem  <<< retro  porro >>>