<<< operis indicem  <<< retro  porro >>>



B  I  B  L  I  O  T  H  E  C  A    A  U  G  U  S  T  A  N  A

 

 

 

 
Statuta communis Bugellae
1245/1348
 


 






 



S t a t u t a 
C o m m u n i s
B u g e l l a e



R U B R I C A   X V
D E   V I I S   E T   A L I I S
C O M U N I T A T I B U S .

________________________________


271.
[I]
TRIVOLA VIARUM CONSULES
ACTARI FACERE TENEANTUR.


Statutum est quod consules teneantur facere altari et meliorari triuola facta et que decetero fient in viis publicis in territorio bugelle post quam siuerint uel eis fuerit denunciatum. ad laudem. quatuor hominum uel sex. et illa persona que non altauerit dicta tiuola. secundum quod ei preceptum fuerit per consules. soluat bannum. sol. X. pp. pro qualibet edomada.

272.
[II]
NON CAPIANTUR LAPIDES
PER QUOS VIE
UEL COMUNITAS
DAMPNIFICETUR.


Item statutum est quod nulla persona debeat aranchare siue capere uel asportare uel predicta fieri facere aliquos. lapides de quibus dampnificentur vie de viis comunibus siue de costis nec in aliquibus alijs partibus vbi sint vie publice placij. uel plani nec aliquibus rialis nec fossatis. que possint damnificari vie. uel possessiones. aliquis. et qui contrafecerit soluat pro quolibet et qualibet vice. sol. viginti pp. postea reficiat dampnum et consules teneantur inquirere. et tenere accussatores et denunciatores priuatos.

273.
[III]
COMUNITATES PENDINARUM
PLATIJ SEMPER IN COMUNI
DEBEANT PERMANERE.


Item statutum est quod comunia de ualle belloni et de valixella et de pendina placij. Verssus bellonum que fuerunt asignata comunia per comune bugelle debeant stare et permanere aperta omni tempore et ille qui ea clauderet uel claudi faceret soluat bannum. sol. XX. pp. et postea disclaudat id quod ex hijs comunibus clauserit.

274.
[IIII]
PENA OCCUPANTIUM
UIAS PUBLICAS
UEL PLATHEAS.


Item statutum est quod qui strinxerit uel clauserit aliquam viam uel platheam uel aliquod comune. soluat bannum. sol. XX. pp. et postea eam larget et disclaudat.

275.
[V]
PUNIATUR QUI
AD ACTAS UIAS PUBLICAS
SUFFTIENTUM NUNTIUM
NON TRANSMITTIT.


Item statutum est quod qui non Iverit uel sufficientem nuncium non misserit ad altendas vias quando precipietur soluat bannum sol. II. pp.

276.
[VI]
QUI UIAS FRANGIT
PUBLICE ORDINATAS.


Item statutum est quod qui ronperet aliquam uiam propter sulciam uel propter scrineam uel aliqua alia occaxione soluat bannum sol. XX. et reficiat eam.

277.
[VII]
EXTRA PALENCHATA
NON LICEAT
SUPER FOSSATIS
ARBORES ALLEUARE.


Item statutum est quod nullus debeat tenere nec alleuare arbores super fossatum extra palenchatum plani nec aliquod aliud alleuamen nec aliquid ibi vastare nec seminare et qui contrafecerit soluat bannum. sol. XX. et ille que modo ibi sunt incidantur usque pasca. et camparij teneantur omni mensse inquirere omnia fossata. et si quid inuenerit ibi factum contra predicta debeant acussare.

278.
[VIII]
IN COMUNI UEL PLATHEIS
MOLAS NULLI LICITUM
SIT TENERE.


Item statutum est quod aliqua persona non debeat tenere aliquam molam nec porcilum aliquod in platheis nec in portucubus super comuni bugelle. et qui contrafecerit soluat bannum pro qualibet vice sol. quinque. si fuerit accussatus et consules teneantur facere auferri predicta infra octo dies post quam eis fuerit denunciatum siue dictum.

279.
[VIIII]
FATIENTES IN UIJS
PER QUI IN ALIQUO
LEDATUR COMUNITAS
UEL UTILITAS SPECIALIS.


Item statutum est quod aliquam persona de bugella non debeat ponere uel cauere. nec fieri facere terram nec lapides in aliquibus pubblicis vijs nec sulcias uel triuolos uel aliquid aliud opus. quod peioret uel dampnificet vias uel que possit dampnificare aliquas possessiones aliquius hominibus de bugella. et qui contrafecerit. soluat bannum sol. XX. pp. nec in aliqua parte super communibus Intra clausuras placij et plani et officiales acussare teneantur. et quod consules non possint dare licenciam. set teneantur inquirere. si fuerit eis denunciatum et tenere denunciatores et accussatores priuatos.

280.
[X]
SCRINEAM QUE
IN COMUNI EXEAT NULLI
LICITUM SIT TENERE.


Item statutum est quod nullus debeat tenere aliquam scrineam que habeat exitum ipsius scrinee super terram comunis. Et qui contrafecerit soluat bannum sol. XX. pp. postea auferat eam. Et quod nullus debeat tenere scrineam super comune. et quod quilibet possit accusare et denuntiare et tenebitur priuatus.

281.
[XI]
NON PROHITIATUR
IN PUBLICO FETOR
UEL AQUA A
PELLIBUS DETURPATA.


Item statutum est quod aliqua persona non debeat proicere aquam in qua baniata uel moliata fuerint coria prluta nec acquam calcinarij nec aquam molticij siue molticium uel peziam. neque pelles molliatas siue coria in vijs pubblicis uel platheis seu fiat fetor que uadant in uias pubblicas nec in rugia placij uel plani aliquo modo. Et qui contrafecerit soluat bannum pro quolibet et qualibet vice sol. quinque. pp. et quisque possit accussare et habeat suam partem banni. Et consules non possint dare licenciam et consules teneantur inquirere et tenere accussatores et denunciatores priuatos.

282.
[XII]
NON LICEAT PASCHARI
IN LAUAZANO NEC
PRO AQUA DUCENDA
RUMPERE DICTAM UIAM.


Item statutum est quod nullus debeat ire passcatum In via lauazani a lossenta usque ad crucem lauzani. Et qui contrafecerit soluat bannum. sol. V. et consules non possint dare licenciam. Et illi qui ducunt aquam per dictam viam non debeant trauerssare viam. nisi fecerint bonos pontes. super uiam. et qui contrafecerit soluat bannum pro quolibet et qualibet vice. sol. XX. pp. ille qui duceret uel haberet in pratis. et super pontibus ducentibus aquam et consules teneantur inquirere si eis fuerit denunciatum.

283.
[XIII]
PROHITIENTES ET
INCIDENTES REUNZATURAS
IN PUBLICO PUNIANTUR.


Item statutum est quod nullus ferrarius ronzet aliquam segeciam in aliqua parte. Ita quod ronzatura possit ire in via publica . nec eas ronzaturas proicere in via. et qui contrafecerit soluat bannum pro quolibet et qualibet vice. sol. V. pp. et quilibet possit accussare palam et privatim.

284.
[XIIII]
PENA FATIENTIUM
IN PRATIS QUE TENENTUR
A COMUNI ALIUD NISI
PRATUM ET EXCENTIUM
ULTRA FINES.


Item statutum est quod aliqua persona non audeat uel presumat seare nec seari facere prata que tenet a comuni. nisi tantum quantum eis assignatum et determinatum est per comune. uel nuntios dicti comunis. et quicunque seuerit ultra mensuram debitam et seari fecerit. seu seauerit in sorapresijs seu hedificauerit laboravit uel aliter quocunque modo occupauerit terram comunis uel sibi datam per soprapresiam cadat ab omni iure quod habet et habere posset in dictis pratis que tenet a comuni et consules non paciantur poni in credencia quod ei fiat aliqua gratia et gratia seu reformatio facta contra presens statutum nullam omnino habeat firmitatem. et ultra hoc non audeat uel presumat seare prata que tenet a comuni. nisi prius soluerit salarium clauario comunis in pena et banno. sol. V. pp.

285.
[XV]
TENENTES A COMUNI
QUANDO FICTA
SOLUERE TENEANTUR.


Item statutum est quod tenentes prata comunis montium et nemorum comunis bugelle ad fictum. teneantur et debeant soluisse uel satisfecisse fictum clauario comunis. qui pro temporibus fuerit. Infra medium mensis augusti et ficta pratorum insule sarui. Et omnia alia ficta per. VIII. dies ante festum sancti martini. Et qui non soluerit Infra predictos uel satisfecerit teneantur soluere et acordare clauario quartum plus ascenderit dictum fictum. de quo quarto nullam possit habere gratiam. Et quod clauarius de dicto quarto teneatur comuni integram reddere rationem siue exigerit siue non.
 
 
 
<<< operis indicem  <<< retro  porro >>>