Regulae cenandi

ca. 1200

________________________________________________________________

Ms. G

Omnis mensa molle     ponitur absque salle

O tu qui ferculla prebes     sal primo ponere debes

Et cutellos lotos     deinde ponere votos

Qui tenet in mensa     cubitum uel brachia tensa

5

Non est urbanus     si sit de corpore sanus

Stes ad mensam rectus     et sepe respice pectus

Ne cures dentes     nec unquam de ferculo temptes

Nec naxum tergas     nisi primo pannos adiungas

Da tripodes disscum     cultrum post gausape siphum

10

Inde detur panis     ne uentus surgat inanis

Ad mesam uite     terminum dum dico uenite

Est mea uox grata     fercula dum dico parata

Ablue terge manus sede     comede bibe surgeque recede

Libamen libens libo     libando libentius ibo

15

Asumptoque cibo     tibique quaterque bibo

Qui pira cruda cibat     funebria cibaria bibat

Ni bibat et rebibat     et rebibendo bibat

Si duo sunt uina     mihi de melliori propina

Nil prossunt uina     nisi sit potatio trina

20

Funde merum funde     tanquam sint fluminis unde

Vinum linphatum     conturbat uisscera fratrum

Visscera non turbat     sed fratrum crimina purgat

Vinum sutille     cauet in sene cor iuuenille

Et uinum uille     redit iuuenille senille