|
|
CXLI.
De vana gloria quam multa
mala sequuntur.
Valerius narrat, quod quidam nobilis consilium sapientis quesivit, quomodo posset nomen suum dilatare. Respondit, quod si virum illustrem occideret. Quo audito Philippum patrem Alexandri magni interfecit, ut nomen sibi acquireret; sed ille cito post miserabili morte exstinctus est.
Moralisacio. Carissimi, aliqui nobiles ac mundi potentes per mala opera sua acquirunt nomen mendacii, sed sine dubio per illud nomen, quantum est in eis, dominum deum occident; ideo tales mala morte morientur, cum in inferno sepeliuntur.
|