BIBLIOTHECA AUGUSTANA

 

Ioannes Longicampianus

ca. 1495 - 1529

 

Dionysii orbis expositio

 

Praefatio

 

_____________________________________________________________________

 

 

 

AD STVDIOSVM LECTOREM

Hendecasyllabum.

 

Si quen[quam] oceanum perambulantem

Terr[a]e quicq[ui]d honestum est, iuvat videre

Tellurisve globum sinu rubenti

Eoo hesperioq[ue] lancinatum

Si quos luminibus videre montes

Nostris nubiferos, adire mente

Cordi est, aut fluvios thetym secantes,

Horum aut fonticulos scaturientes,

Hunc parvum relegat frequens libellum

Hunc miretur, & hunc manu sinuq[ue]

Crebro conterat, ac amet fovere,

Si quen[quam] historias iuvent vetustas,

Et vates veteres, sophosq[ue] priscos

Evoluisse, legat frequens libellum hunc,

Si quicquid lepidum ęruditulumq[ue] est

Et bellum penitus iuvet videre,

Hunc parvum relegat frequens libellum

Hunc miretur, & hunc manu sinuq[ue]

Crebro conterat, ac amet fovere.