In Salmasii Hundredam

1651

Textus

ex: Pro Populo Anglicano Defensio (1651)

______________________________________________________________________________

In Salmasii Hundredam

QUIS expedivit Salmasio suam Hundredam,

Picamque docuit verba nostra conari?

Magister artis venter, et Jacobaei

Centum, exulantis viscera marsupii regis.

5

Quod si dolosi spes refulserit nummi,

Ipse, Antichristi qui modo primatum Papae

Minatus uno est dissipare sufflatu,

Cantabit ultro Cardinalitium melos.