Hortorum libri IV

1665

______________________________________________________________________________

AD REN. RAPINUM S.J.

In eximium suum de hortis Carmen.

ode nondum edita.

Sarcana dudum sævit omnibus

Hiems procellis: Sat nive candidi

stetere montes, atque pronos

flumina sustinere cursus.

5

Bis iam solutus Sequana, tertium

Duravit undas, et temerarias

Fert non laboranti cohortes,

Fert equitesque rotasque tergo.

Absiste tandem, mensibus et locum

10

Da bruma vernis, iam tepidi appetunt

Fulgere Soles teque Thracum in

Regna Borystheniosque longe

Fugare fontes. At Zephyri tamen

Si segniores his revolent locis

15

Inerte penna, tu morantes

Cogere carminibus, Rapine,

Potes magistris. Tu famulantibus

Dare assuetuus iura Favoniis

quos floridis inclusit hortis

20

et viridi tua Musa luco.

Vix illa sedes pandet amabiles

Et quæ severo pressa silentio

Nunc detines, ostendet orbi

Thessalicis meliora Tempe:

25

Cum verna pulso temperies gelu

Redibit, auræ tum placidæ tuo

Prodire certabunt vireto

Et loca pervolitare fœdis

Regnata nimibis. Quæ mora nubilo

30

Dies serenos invidet ætheri?

Sed ecce iam recludis hortos

Et mihi ver geniale reddis.

Lud. Henr. Lomenius. Briennæ Comes.