BIBLIOTHECA AUGUSTANA

 

Josephus Octavianus Nobilis de Sabellis

1742 - 1807

 

Vir nemoris

 

Liber I

 

 

___________________________________________________

 

 

 

forte sub ominibus, serua spem, Corsica, surges!

Haud dubie surges, si quidquam numina possunt,

si usquam Iustitia aut Pietas mortalibus exstat.

Praecipue, si prisca uirum uis corda nepotum

 

140

urat et illustres taedis ultricibus umbrae.

ardent heroum aut quaedam furat ignea Erinnys,

serua spem, surges. Reduces namque undique ciues

et patrii iuris referentem signa uidebis

Ductorem et celsa Curtis super arce locantem.

 

145

Iam uideo late populos extollere frontem,

frangere dein turpes et linquere pone catenas

et propriam pede tellurem calcare soluto.

Aut etenim, infamis uaria cum longius aula

aulicus exsul abest, duri sibi conscia facti,

 

150

consilia in melius referet crudeliaque arma

auocat indigne mercatis Gallia terris,

et sanctum falso tum praeferet utili honestum

aut naturae hominumque sacrum fas iuraque clamant,

iustorumque mouent insontes arma potentum,

 

 

[103 v]

155

aut tandem memor antiquae uirtutis, inultam

non linquet patriam proles Cyrnea tyranno.

Sumere sic poenas animumque explesse iurabit

ultricis flammae et sociorum, ulciscere manes

quamquam (uera loquor) tibi erit uictoria. Macte,

 

160

macte animo, durae Lacedaemonis aspice paruam

magnis ferre manum Persis legionibus arma,

Argolicisque grauem campis contundere regem.

Nonne uides, Latio pubes Romana relicto,

ut fines furibunda potens Carthaginis altae

 

165

auferat exuuias Poeno patriamque labantem

magnanimis firmet coeptis et conterat hostem?

Extera quid memorem? Te ipsam propriosque triumphos

aspice: sic tecum repetens exempla tuorum,

ad longe meliora animum reuocare iuuabit.

 

 

 

[6]

170

Si uacet annales ueterumque reuoluere gesta

 

 

――――――

103r, 146 linguere err. V // 103v, 158 ulciscier umbras T 2 V // 169 maiora animum inflammasse T 3.