Vir nemoris

Liber I

___________________________________________________

Olli haud libra manu neque taenia stabat ocellis,

sed laeua adstrictum gestabat fortiter ensem.

Dextra autem (heu! sanguis torpet gelidusque refugit)

Libertas aderat sceptro uix nota refracto.

Nullus nempe decor prisca sub imagine frontis,

210

nullaque erat species oris discissaque uestis

alba cruore rubet. Crasso iam tempora tabo

crinibus interfusa rigent, rigat undique sanguis

ciuiles sudore <fletu> genas lacrimisque madentes..

Errabundi oculi languent indagine tecti

[104 ^v]

215

mortifera et squalens leti color occulit ora.

Nequicquam conata loqui, frustratur hiantem

guttura uox haerens sicco, sic paene fatiscens

crura togamque deae tremebunda prehendit et haeret.

Semanimem illa sinu adtollens amplexa fouebat

220

adflabatque animam luctantem pectore anhelo.

Vix somno excutior, placidam ni diua quietem

adstillet uenis, dein talia pectore promo:

«Quid, dea, quid miserum tanta angis imagine? Rursus

tu delapsa polo? Sic tu, Themis alma, reuisis

225

indigne adflictam peiori tempore terram?

Tempore quo uis, fraus, taeterrima quo furit aetas

denuo, si posset, superis infesta gigantum?

Quare ergo nostris succesti sedibus? Alma

Libertas adflicta iacens, quid? Forte quietos

230

auget adhuc superos? Nostri miseretur Olympus?

Fare, age, diua, precor, siquidem sententia diuum

non ignota tibi. Cupidam nunc perfice mentem»

Caesariem quatit illa furens ensemque rubentem

circumagitat praeceps et sic accensa profatur:

235

«Non impune diu facinus grassabitur. Ira

sera Iouis furor est. Olim indignata recessit

e terris Astraea, tamen dominatur Olympo

peruigil et plectit sontes orbemque fatigat,

corda Iouis summi incumbens, Iouis omne mouentis

[8]

240

nutus quem tumidum et iaculantem tela superiore

――――――

104^v, 205 taenias tabat err. V // 206 eusem err. V // 213 fletu suppleui // 216 nequicquam T T³: nequaquam err. V // 219 semanimem correxi: semianimem T T³ V // 220 obflabatque err. V // 226 teterrima err. T V // 239-240 sanguine creta iouis summi iouis omnia nutu. / qui mouet et caelo quem tela ignita uibrantem / aufugiunt pauidi quoque di natique deorum T^2mg V.