Vir nemoris

Liber I

___________________________________________________

fulminea aufugiunt quoque di natique deorum.

Nunc quo tanta premant rerum molimina fato

mortales haud scire licet. Pater omnia uersat

sponte sua. Te dumtaxat nouisse iuuabit,.

[105 ^r]

245

quod Terra Caelique nepos dilectaque summi

nata Iouis, superum mediis quae in coetibus adstat

fasque nefasque hominum dictat, caelestia ad iram

corda uolens flectit, tot tantaque crimina inulta

illa ego non patiar. Socialia foedera rumpam

250

et noua connectam iustusque potentis auari

conteret ausa potens. Mihi sunt haec uulnera, probrum

inquinat ora mei, fas est mihi sumere poenas.

Quare ego... Sed praestat citius reparare quod urget.

Hanc tibi commendo. Tibi Corsica tota penates

255

et Ductor credit, modicum quos rite per aeuum

seruabis caeca montis sub rupe Rotundi,

qui patrio iuri sacratis moenibus instat.

Hae tibi erunt curae, donec gratissima nobis

Anglia rexque potens, nimium quem diligit altus

260

Iupiter, insontes tandem miseratus et ultor

et custos recti, sociis suffultus amicis

et ualido tectu fautorum numine diuum,

Ductori patriam, patriae fas iuraque reddet.»

Haec ubi dicta, leuis liquidum uolat ardua in aethera

265

instita iamque pedes ultra defluxerat imos,

cycladis auratae, uarie fluctantis ubique

et circum ignito signantis syrmate caelum.

Ac ueluti aestiua borealis nocte refulgens

Aurora, alternis mixtisque uapore columnis

270

intersecta, polum illustrat, stupet inscia turba

iratumque pauet numen, sic illa petebat

aera sublimis, trepido sic corde timebam.

Pignoris ast animum commissi cura remordet.

Atque ubi flaua caput primosque Aurora colores

――――――

105^r, 244 te T² V: tibi T // 246 medicis err. V // 259-261 nimium quem diligit altus / Iupiter insontes tandem meseratus et ultor / et custos recti T del. T² V // 264 liquidas se tollit in auras T² T³ V.

[9]