Vir nemoris

Liber I

___________________________________________________

aut ira aut uirtus patitur. Sed plurima uoluens.

anceps corde, subit mandata facessere diuae

et procul accelerare fugam. Iamque anxius armis,

transuersoque humeris cornu de more recuruo,

315

protinus accingor meque extra tecta ferebam.

Ecce autem discissa genas et pectora tundens,

haerebat complexa pedes in limine neptis

unica, cara mihi, succinctaque ueste uirili:

«Quoue, pater (quoniam cari post funera patris

320

immatura, uices perfunctus), abire parabas?

Quo expositam ferro studiisque flagrantibus hostis,

deseris in tanto rerum discrimine neptem?

Si spes ulla fugae quoque me, precor, eripe fato,

sin aliquid tentare paras, commune periclum

325

atque salus communis erit. Quid femina possit

explorare iuuat. Vegeto stant corpore uires

et sanguis patrius uenis. Stat pectore uirtus

arma uirum gestare humeris laterique micantem

aptare est animus gladium surisque cothurnos.

330

Non haec, prima, probo, multis haec fuit quoque uirtus

arma uirosque sequi, multae uestigia patrum

aequarunt natae. Tecum maiora probarem.

Tuque pater, tu ductor eris. Discrimina adire

pro te, cuncta pati, hanc animam profundere tecum

335

audebo, aut aliquid faciam. Ne desere neptem.»

Talia iactabat lacrimans et crura tenebat.

Inde datam implicuit dextram lenitque dolorem.

Ornatuque nouo exsultans, cito cingitur armis

nec manet, at gressus celeri pede concita adaequat

[106 ^v]

340

eminet interea mauors, crebrescit et ignis,

stridentisque pilae pluuius secat aera nimbus

armaque miscentur sociorum hostilibus armis.

――――――

106^r, 311 dum plurima uoluo T² V // 316 crinibus ecce autem incomptis T² V // 321 cur ferro expositam T² V expositam ferro T³ // 323 eripe T² V: erpipe err. T // 329 atare err. V // 330 fuit haec err. V // 106^v, 339 nec manet at gressus celeri pede [pedes err.] concita adaequat T: nec manet at gressus celeri pede adaeque err. V et nostros aequat celeri pede concita gressus T³.