Vir nemoris

Liber I

___________________________________________________

quattuor e turba uilloso corpore legat:

Paganum uigilem, Filiconem dira latrantem,

naribus Vrsonem ualidis et dente Draconem.

580

Et circum stricto nexis collare catenis,

tanquam custodes antri uigilesque penates,

uestibuli binos utraque ex parte seruant.

Humidus interea refrigerat aeris aestum

autumnus pariter dies cum noctibus aequat.

585

Sol retrahit de ualle iubar. De montibus ampla

ocius umbra cadit, foliis nudata senescunt

arbusta et gelidos fontes grauis agna relinquit.

Hibernant hostes, iuuat ergo hic degere segnes

et trahere ignauam brumali tempore uitam,

[18]

590

ast duros alii exercemus leniter artus,

nam canibus turbare capras et figere plumbo

praecipites damas celsosque in cornua ceruos

decipulo inferre et frendentes dentibus apros

carpere in insidiis et aues eludere rete

595

uenatuque libet grauis otia fallere uitae

uenatusque cibo uitam nutrire. Vadosis

quam dulce est, leuiter dum lubrica labitur undis

fluctiuagis anguilla modis et se implicat arctis

cassibus, aut cauda salar emicat ore uibrata

600

dumque nouas agitat in arundine pendulus auras!

Hic lutulenta salit, uel gurgite rana coaxans

garrula limoso et cochleae captantur inertes.

Praebent ipsa dapes, dant ipsa animalia uestes

arte laboratas nulla. Nos quippe ferarum

[111 ^v]

605

cingimus exutos uillosis pellibus artus

hirsutoque tenella rigens sub uellere neptis,

uenandi ignara auulsas radicibus herbas

――――――

111^r, 577 uilloso corpore lectos T² V praestanti corpore lectos T³ // 580 adstricto circum nexis collare T² adstricto ... cellare err. V custodes antri nexis ad colla T³ // 582 seruant T: locauit T² T³ V // 583 prumidus err. V // 588 segues err. V // 590 ast aliter duri exercentur T² V // 592-594 praecipites ... celsisque ... ceruis / insiduas struere et fendentes ... / persequi et incautas laqueis captare uolucres T^2mg V praecipites damas frendentem dentibus aprum / persequi et incautas laqueis captare uolucres T³ // 600 exagitatque nouas T² V et quatit insuestas T³ // 111^v, 602 prenduntur T² V.