Vir nemoris

Liber I

___________________________________________________

colligit et uenis uires et corpore robur.

Saepius hic longe spectabile ponere signum

et iuuat autem damas exploso carpere plumbo,

aut agili indictam cursu contendere metam,

645

compositaque cito celeres dare corpora saltus,

seu iuuat intensis pariter certare lacertis

implicitosque ulmis artus agitare uicissim,

supplantare pedes pedibus, seu fallere flexu,

seu larices primum, seu rectas scandere pinos

650

membraque nuda lacu tremulisque reuoluere in undis.

Nunc iuuat ante focos, dum nubilus ingruit aer,

fortia facta patrum super albo excudere buxo.

Aut celare uirum patriaeque toreumate casus,

saepius inde animum sculptura pascere inani,

[112 ^v]

655

sculptaque ligna simul largo perfundere fletu.

Hic caelata super mauortia cornua tristis

luscinia inspicitur lubrico reuoluta colubro

et lupus insidiator ouis Gallusque proteruus.

Dulces o nimium siluae fontesque salubres!

[20]

660

Dulcia saxa iugi frondesque et uallis et arbos

et nimium dulces herbae! Nimis aurea semper

otia siluestris uitae, quae cuncta quietem

aspirant animis! At mens sibi conscia recti

diuina sauuem spargit dulcedine uitam.

665

Haec est alma quies caeli spectabile donum,

quo illustres animas sanctum fas rite colentes

perque amplum uirtutis iter perque ardua uectas

legibus officiis pia numina saepe decorant.

Certa quies etenim praeclarum pone laborem

670

subsequitur coeptusque graues est dulcior ausis

et mellita altis semper dat praemia factis.

Sic mala uicta bonis iucunda obliuia ducunt.

atque ingens, adflante Deo, fert gaudia luctus.

――――――

112^r, 643 autem damas ... exploso carpere T: aut damas ... exploso sternere T² aut damas ... expleso sternere V // 645 compositoque cito celeres dare corpore V compositoue iuuat certos dare corpore T³ // 112^v, 662 otias siluestres err. V // 669-671 del. T² V // 672-673 sic -- ingens om. V.