BIBLIOTHECA AUGUSTANA

 

Josephus Octavianus Nobilis de Sabellis

1742 - 1807

 

Vir nemoris

 

Liber I

 

 

___________________________________________________

 

 

 

pastorum manes. Latebroso e uiscere montis

lenta exit nubes manatque soluta cruorem.

 

745

Quae me nunc laruae, quae pallens territat umbra,

O nemus! O antrum Lemurum penetrale silentium!

Numquid tu uani quoque phantasmatis aedes?

Libertas! Miserum tu spectro ludis inani?

Libertas, heu, trita iaces, uelut herba uiarum.

 

750

Tu quoque diua Themis? Sed amor quo sancte furentem,

quo me sancte rapis patrius? Mihi Erinnybus acto,

diua, ignosce, precor, placidaeque ignoscite siluae.

Multa mihi subeunt et mens non immemor angit

temporis elapsi! At ueniet felicius olim

 

755

cum dexter boreas inflabit carbasa et aequor

crispans, in patriam ciuesque ducemque reducet.

Cumque aderit uobis, siluae, natiua uoluptas.

O si fata mihi tantum concedere uellent

 

760

ut totiens recidiua iterum stent moenia Cyrni,

ut tandem patrias uideam consurgere sedes,

tunc si sponte mea fas esset ducere uitam,

uos dulces, colerem, siluae, uos compita et antra,

uos fontes umbraeque leues uallesque profundae.

Tum procul officiis hominum curisque solutum.

 

 

 

 

[114 v; 23]

765

saltus uenatu tacitos agitare iuuaret

aut somno atque umbris illudere taedia uitae.

Primus ego hic patrio struerem de marmore templum,

tum prope uestibulum primisque in faucibus antri,

sacratum patriis uirtutibus. Incluta, fulgens

 

770

gloria in exuuiis imum penetrale tenebit,

dis ubi sollemnes pingui libamine honores

indigetis soluam foliis redimitus oliuae.

Supra altare sedens sacra Libertatis imago,

sceptra tenens chlamydata, caput circumdata palmis,

 

775

cominus heroum magna stipante caterua,

 

 

――――――

114r, 743 pastorum correxi: partorum T T3 V // 743 uiscere T: pectore T2 V // 748 miserum tu T2 V: tu miserum tu T // 756 redducet err. V // 114v, 767 templlum err. V // 772 dis patriis soluam foliis redimitus oliuae T2mg persoluam patriis felicis redimitus oliuae V.