Vir nemoris

Liber II

___________________________________________________

obduxit semper nigra caligine nubes

Narbonensi educta polo, permixta procellis

quas inter radii tantum fulsere uibrati,

[17]

680

ceu uibrat in nubes sub uespere fuscus Apollo.

Iam prope blanditiis capti fraudisque dolique

et ui, luctantes studia in contraria ciues,

rectam paene uiam perdunt reptantque per umbras.

Et iam cuncta ruunt fato collapsa supremo.

[<123 ^v>]

450

Ecce autem summo ueluti delapsus Olympo

indiges optatus Cyrneis appulit oris..

Hunc genitum nobis Hyacinthi e sanguine Pauli,

fata tulere deum cui sanguinis ultimus auctor

(huic etenim proles numquam fuit ulla uirilis)

455

Clemens frater adest, pietate insignis et armis.

Parthenopes illud studiis accepimus altum

plurima quem post haec euexit ad aethera uirtus

cuius et aeternum collustrat gloria nomen.

Nomen adhuc columen, seu spes fidissima Cyrni,

460

in quo nunc tantum Patria inclinata recumbit.

Corporis ille caput, uitae seu uiuidus aegrae

spiritus, exangues infudit robur in artus,

dissitaque haec illaec connexit ordine membra.

Ostendit modum et certa dedit ire per unam

465

lege uiam rexitque pedes informeque monstrum

composuit formamque dedit corpusque creauit.

Principio ille uires multas et plurima gessit

bella tulitque grauis uitae discrimina magna

et uariam sortis faciem, dum uincula ademit

470

uellamque ex oculis libertatemque iacentem

prostratamque animis uirtutem erexit auorum,

――――――

123^r, 443 per mixta err. V // 123^v-124^r, 446-505 non legere potui V.

[18]