Vir nemoris

Liber II

___________________________________________________

praecoqua ore uirum maturant signa senectae

et quassant iuuenile decus, nam uomere ripas.

hi Tauignani exercent. Qui litus eoum

770

Aleriae siluamque colunt, queis praeda uicissim

in morem conuersa licet cupidique cruore

conueniunt. Pariter praestanti corpore pubes

castanae ueluti suboles et germina recta,

gens uictu facilis, sollers et callida pulchram

775

contentamque sui quam pinguis uestit oliua,

tellurem linquens posita uix falce, colonus

arma capit. Puer arma uocat, uocat arma iuuentus,

armaque commendat coniunx natisque uiroque

et passim foribus uiduantur moenia clausis.

[129 ^r]

780

Hoc hominum genus, impauidum, quod plurima gessit

bella tulitque intus, proprium manare cruorem

lumine despexit placido. Vestigia fixit

improperata super spirantes stragis aceruos,

pallentem lethi faciem calcauit et audax

785

noctiuagos domuit lemures lamiasque prehendit

crinibus et totiens haustum eructasse cruorem

compulit infantum. Sistens immobile noctu

in triuiis magicas Cirneo accingier artes

carmine, serpentes desumere mille figuras

[29]

790

ore reiectantes ignem aligerumque draconem

flammigeris instare iubis et gutture hianti

intrepidum uidit. Vidit pallescere lunam

nubibus obductam, iaculantem fulmina Olympum

et sonitu mundi dissoluere uincla minantem

795

imbribus hinc pluuiis manare horrentia monstra,

spectra et Tartareos fratres, procumbere lapsu

praecipiti rupes de monte, dehiscere tandem

――――――

128^v, 767 ore correxi: in ore supernum. uers. T V // 771 cupidoque err. V // 775 oliua T V: oliuae T³ // 776 linquens T³: linguens err. T V // 129^r, 780 plurima T T³: plurimum V // 782 fixet err. V // 786 eructasse uid. T: eructare T² V euomisse T³.