BIBLIOTHECA AUGUSTANA

 

Josephus Octavianus Nobilis de Sabellis

1742 - 1807

 

Vir nemoris

 

Liber II

 

 

___________________________________________________

 

 

 

sub pedibus rauco tremefactam murmure terram,

quaesitosque ipsis aperire in faucibus Orci

 

800

thesauros uidit, uel iam uidere putauit,

thesauri et dominum rectorem spreuit Auerno.

Confluit omnis auare, ubi gens asperrima bello

et ducibus deuota suis propriique cruoris

prodiga ductorem fulcit qua Golus in imas

 

805

quaerit iter ualles et saxa sonantia uadit.

Ast ubi conuentum qua magnus paene labantem

sustinuit patriam ductor sibi nixus et altum

adsumpsit, ueluti Fabius cunctator, honorem,

notis ille dolis laetus, sic fatur amore

 

 

 

[129 v]

810

succensus patrio, et plenis dulcedine labris.

‹Tandem nota patent uobis mendacia et astus

turpe ueneficium patriae quo protulit hostis

haec usque excidium et tacitos sine marte triumphos

eripuit nobis, magno turbante tumultu.

 

815

Subdolus hic pulchro sub nomine pacis adortus,

haud impune tamen, ramum pacalis oliuae.

sanguine pertundens, proiectum longius alto

abscidit arte caput Cyrni, terrasque propinquas

ingruit incessu tacito; mihi laedere famam

[30]

820

dum studet inuento et ciuile resoluere corpus.

Sed quae ingrata mei, quae uos obliuio cepit?

Tantane mendacis rapuit fiducia Galli?

Ast ego quippe mea fretus uirtute, nefandi

rectus corde probri contemptor, acerba timebam

 

825

fata inopis patriae indefensaque iura penatum

rapta sub informi perplexae indagine fraudis

et libertatem, pro libertatis amore

(heu nimis adrecto!) propria sub mole ruentem.

Hoc tantum haerebat cordi testemque uocabam

 

830

ultoremque mei Iouis inuiolabile numen.»

Integra mens etenim, recti sibi conscia, inhaeret

laeta sibi, prauosque uiros, orbemque labantem

inconcussa uidet: rutilantem clara per umbras

 

 

――――――

129r, 800 ille suppleui // uidisse T2 V // 802 confluit omnis auare correxi: confluit omnis au**us T omnis undique conueniunt T2 V // 129v, 813 eccidium err. V // 814 prepuit err. V // 816 rumun err. V // 821 coepit err. T V // 829 uocabant V.