BIBLIOTHECA AUGUSTANA

 

Josephus Octavianus Nobilis de Sabellis

1742 - 1807

 

Vir nemoris

 

Liber II

 

 

___________________________________________________

 

 

 

caesariem ostentat uirtus fatumque lacessit,

 

835

tuta sub horrifera summi Iouis aegide fulgens.

Nunc uos (heu nimium faciles confidere!) ludit

hostis ouans fidei spoliis gaudetque potitus

ciuili rapto et sociorum corpora torquet,

euertitque domos camposque annique laborem

 

 

 

[130 r]

840

sternit editque minans nobis dum proximus instat.

O tandem memores priscae uirtutis, iniquam

eripite infanda praeceptam fraude rapinam.

Perfidus hinc hostis discat, quod nescia turpis

libera corda doli pugnant non fraude sed armis,

 

 

 

[31]

845

quod mortem temnunt, uitam nec inulta relinquunt.

Ferte citi arma patrum ultricemque resumite flammam,

natorumque cruor communis rite parentis

exiit unde sinum patriaeque per ossa recurrat.

Aeque pro patria morimur. Mors praestat honesta

 

850

seruili uitae. Quin et defendere nobis

rura paterna decet, quae prima alimenta dedere,

natiuamque domum et blandae cunabula prolis,

et sanctum thalami decus uxoremque placentem,

templa deum, sacra iura uirum patriaeque dicata

 

855

ossa piosque patrum cineres, monumentaque auorum.

Quid? Tandem pulchra pro libertate ciendum

martis opus? Dis causa placet semperque placebit

ut placitam duxere prius dextramque dedere..

Nunc quoque (certa fides!) adflatu numen amico

 

860

iustorum arma uirum dabit auxiliaria nobis.

Hostis adest Gallus, quem nostri saepe parentes,

uos quoque tutantem Ligures in marte fugastis.

Idem sanguis inest. Sunt imperterrita bello

corda eadem nobis armisque adsueta iuuentus.

 

865

Eia! agite inuicti uestigia clara parentum,

uirtutem animi et munus ciuile sequamur,

laurus ubi uictrix, ubi dulcis gloria clamat.

Quippe super uestra uictoria fronte coruscat.

Primus ego adgredior pugnam, me, me ipse meamque

 

870

obiiciam caput. O utinam mea dextera, ut ardens

spiritus intus adest, possit contendere contra

et uestrum hanc animam patriaeque dicare saluti!

 

 

――――――

130r, 836 hunc err. V // 839-840 deleuit T2 V // 858 dextrum err. V.

[130 v]

[32]